Батыс елдерінің ақпарат агенттіктері адам хұқтары жөніндегі белсенділерге сілтеме жасап Өзбекстанда осы айда көз жұмған екі тұтқын түрмеде қинап азапталған болуы мүмкін деп хабарлады. Әлгі екі кісі Әндіжанда исламшыл экстремизммен айналысты деген айыппен түрмеге жабылған болатын. Кей батыс елдері Өзбекстан президенті Ислам Каримовты адам құқықтарының тапталуына және түрмелерде адамдардың қинап-азапталуына жол беруде деп айыптаған болатын. Бұл айыптауларды Каримов жоққа шығарған тұғын.
