Шымкент қалалық соты "Лайықты еңбек" кәсіподағы мен отын-энергетика кешенінің салалық кәсіподақ төрағасы Ерлан Балтабайдың тергеуші Мұхаммед Мирахметовтің үстінен түсірген арызын қараудан бас тартты.
Бұл туралы Азаттыққа 1 ақпанда қалалық соттың баспасөз хатшысы Қабыл Дүйсенби хабарлады.
2018 жылы 25 қыркүйекте Ерлан Балтабайдың үстінен Қылмыстық кодекстің 189-бабымен ("Сенiп тапсырылған бөтен мүлiктi иемденiп алу немесе талан-таражға салу") іс қозғалып, кәсіподақ кеңсесіне тінту жүргізілген. "Лайықты еңбек" кәсіподағының мүшесі Роза Нұрекеева Ерлан Балтабайдың үстінен "кәсіподақ ақшасын ұрлады" деп арызданған. Қылмыстық іс бойынша тергеу амалдары әлі жүргізіліп жатыр.
Ерлан Балтабайдың ойынша, тергеуші өз үстінен заңсыз қылмыстық іс қозғап, конституциялық құқығын бұзған.
ПІКІРЛЕР