Моңғолияның Қобда бетіне қазақтар алғаш 1917-ші жылдан бастап қоныстана бастады. Сол кезде олар Қытайдан қысым көріп, көрші елге көшіп келген.
Қазақстан тәуелсіздік алған соң, 1991-ші жылдардан бастап Моңғолия қазақтарының іргесі сөгіліп тарихи Отанына жаппай көшті бастағаны белгілі. Осы уақыттан бері Қобда аймағындағы қазақтардың үштен екісі атамекеніне қоныс аударған. Ендігі қалған азғана қазақтың да тарихи Отандарына көшуге құлшыныстары басым.
Бүгінгі таңда Қобда аймағында 82 мың халық тұрса, соның 16 пайызын қазақтар құрайды.
Алайда, дәл қазіргі таңда әлемді жайлаған экономикалық дағдарыс пен Моңғолиядағы соңғы бірнеше жылдағы құрғақшылық, әсіресе, өткен қыстағы жұт қол байлау болып тұр.
Азаттық радиосының бұл хабарында Моңғолияның Қобда аймағында өмір сүріп жатқан қазақтардың тұрмыс-тіршілігі сөз болады.
