Accessibility links

Русский
Басқа тілдерде
РУС
Live
site logo site logo
Бұған дейінгі Келесі
Шұғыл хабар:
ФОТОРЕПОРТАЖ

"Көне дәстүрді сақтаушылар"

Маусымның 23-і күні Алматыда "Ұлы дала – көшпенділер әлемі" халықаралық этно-мәдени фестивалі ашылды. Ол екі күнге жалғасады. Ұйымдастырушылар "көне дәстүрді сақтаушылар" фестивалі деп атаған шара екі мыңнан астам уақыт бұрын жерленген сақ бекзадаларының қорымында өтіп жатыр. Қазір "Боралдай сақ қорғаны" деп аталатын бұл жер тарихи және мәдени ескерткіштер тізіміне алынған.

Фестиваль бағдарламасында бәйге, садақ ату, балуандар күресі, теңге ілу тәрізді ұлттық ойын түрлері, қолөнершілер жәрмеңкесі, этникалық музыка концерті бар. Азаттық тілшісі фестивальдің алғашқы күні оның барысымен танысып қайтты.
"Боралдай сақ қорғаны" аумағына кіретін дарбаза. Екі жақта мұнда фестиваль өтіп жатқаны туралы баннерлер ілінген.
1 "Боралдай сақ қорғаны" аумағына кіретін дарбаза. Екі жақта мұнда фестиваль өтіп жатқаны туралы баннерлер ілінген.
"Боралдай сақ қорғаны" – ұзындығы 3,5 шақырым, ені бір шақырымға жуық жерді алып жатыр. Қақпадан бір шақырымдай жерде этнографиялық ауыл жайғасқан.
2 "Боралдай сақ қорғаны" – ұзындығы 3,5 шақырым, ені бір шақырымға жуық жерді алып жатыр. Қақпадан бір шақырымдай жерде этнографиялық ауыл жайғасқан.
Этнографиялық ауылдың оң жағындағы уақытша алаңда аламан-бәйге өтті.
3 Этнографиялық ауылдың оң жағындағы уақытша алаңда аламан-бәйге өтті.
Көрермендер жақын маңдағы төбенің басына шығып, бәйгені тамашалап тұр.
4 Көрермендер жақын маңдағы төбенің басына шығып, бәйгені тамашалап тұр.
Ыстық күн астында 21 шақырымды шауып өту атқа да, шабандозға да оңай емес. Көбі шыдай алмай, уақытынан бұрын жарыстан шығып жатты. Аламан бәйгеде топтан озған аттың шабандозы мәреге бірінші болып жеткен кезде ат үстінен құлап түсті. Жер жұмсақ болғандықтан зардап шеккен жоқ. Жеңімпазға сыйлыққа жеңіл автокөлік берілді. Бірақ оны шабандоз жасөспірім ала ма, әлде аттың иесіне бұйыра ма – ол жағы беймәлім.
5 Ыстық күн астында 21 шақырымды шауып өту атқа да, шабандозға да оңай емес. Көбі шыдай алмай, уақытынан бұрын жарыстан шығып жатты. Аламан бәйгеде топтан озған аттың шабандозы мәреге бірінші болып жеткен кезде ат үстінен құлап түсті. Жер жұмсақ болғандықтан зардап шеккен жоқ. Жеңімпазға сыйлыққа жеңіл автокөлік берілді. Бірақ оны шабандоз жасөспірім ала ма, әлде аттың иесіне бұйыра ма – ол жағы беймәлім.
Аламан бәйгеде мәреге бірінші болып жеткен сәйгүлік.
6 Аламан бәйгеде мәреге бірінші болып жеткен сәйгүлік.
Бәйге жолының бойында тұрған полиция қызметкерлері. Бұл күні, маусымның 23-і - олар кәсіби мерекесін атап өтеді.
7 Бәйге жолының бойында тұрған полиция қызметкерлері. Бұл күні, маусымның 23-і - олар кәсіби мерекесін атап өтеді.
Ат үстінен найзамен ілу шеберлігін көрсетушілер.
8 Ат үстінен найзамен ілу шеберлігін көрсетушілер.
Киіз үйлерге тақау маңда аударыспақ сайысына қатысқан жігіттер білек күші мен ептіліктерін сынады.
9 Киіз үйлерге тақау маңда аударыспақ сайысына қатысқан жігіттер білек күші мен ептіліктерін сынады.
Ал, қане, кім мықты?
10 Ал, қане, кім мықты?
Атпен шауып келе жатып жамбы ату сайысына Венгрия, Қазақстан, Қырғызстан, Моңғолия, Ресей, Украина өкілдері қатысты. Суретте: ат үстінен садақ тартқан қазақстандық жігіт.
11 Атпен шауып келе жатып жамбы ату сайысына Венгрия, Қазақстан, Қырғызстан, Моңғолия, Ресей, Украина өкілдері қатысты. Суретте: ат үстінен садақ тартқан қазақстандық жігіт.
Этноауылдағы киіз үйлердің бірін мемлекеттік республикалық қуыршақ театры ұжымы тіккен.
12 Этноауылдағы киіз үйлердің бірін мемлекеттік республикалық қуыршақ театры ұжымы тіккен.
Ал мынау Алматы мемлекеттік мұрағаты тіккен киіз үй. Қонақжайлық танытқан үй иелері Азаттық тілшісін дастарханға шақырып, екі иінінен демалған самаурыннан ыстық, дәмді шай ұсынды.
13 Ал мынау Алматы мемлекеттік мұрағаты тіккен киіз үй. Қонақжайлық танытқан үй иелері Азаттық тілшісін дастарханға шақырып, екі иінінен демалған самаурыннан ыстық, дәмді шай ұсынды.
Алтыбақан басы әркез жастар мен балалардан арылмайды. 
14 Алтыбақан басы әркез жастар мен балалардан арылмайды. 
Балаларға арналған бұл ойынның шарты бойынша, үлкен зақпыдан жұмсақ "оқпен" нысана ретінде тігілген ойыншықтарға дәл тигізу керек.
15 Балаларға арналған бұл ойынның шарты бойынша, үлкен зақпыдан жұмсақ "оқпен" нысана ретінде тігілген ойыншықтарға дәл тигізу керек.
Киіз үйлердің маңындағы қолөнершілерден әзірлеген бұйымдарын сатып алуға болады.
16 Киіз үйлердің маңындағы қолөнершілерден әзірлеген бұйымдарын сатып алуға болады.
Фестиваль бағдарламасында этникалық музыка концерті де бар. Сахнада Ресейдің Саха республикасынан келген "Айархан" ансамблінің мүшелері ән салып тұр. Бұл шараға Алтай, Бурятия, Венгрия, Қырғызстан, Тыва мен Моңғолиядан да өнерпаздар қатысты.
17 Фестиваль бағдарламасында этникалық музыка концерті де бар. Сахнада Ресейдің Саха республикасынан келген "Айархан" ансамблінің мүшелері ән салып тұр. Бұл шараға Алтай, Бурятия, Венгрия, Қырғызстан, Тыва мен Моңғолиядан да өнерпаздар қатысты.

ПІКІРЛЕР

​
Back to top
XS
SM
MD
LG