Қазақстандық банктерден ипотека бойынша несие алған бір топ борышкер - "Халыққа баспана берілсін" және "Ұлағатты жанұя" қозғалыстары мүшелері екенін айтқан адамдар баспана мәселелерін шешуге көмек сұрап, Ресей консулдығына мәлімдеме апарды. Консулдық ғимаратына кіріп шыққан борышкерлердің бірі Юлия Ширяева консулдың "Ресей заңы бойынша өзге елдің ішкі мәселесіне араласа алмайтынын" айтқанын жеткізді. Ресей консулдығына хабарласқанымызда ондағылар бұл мәліметті растаудан бас тартты. Алматы, 8 тамыз 2014 жыл.