Қазақстанда 26 сәуірде кезектен тыс президент сайлауы өтті. Азаттық сайлау барысы туралы тікелей желіде хабар таратты.
Қазақстан орталық сайлау комиссиясы төрағасының орынбасары Владимир Фоос елде 9741 сайлау учаскесі бар екенін хабарлады.
Ақмола облысында - 808, Ақтөбе облысында - 521, Алматы облысында - 883, Атырау облысында - 232, Шығыс Қазақстан облысында - 1079, Жамбыл облысында - 461, Батыс Қазақстан облысында - 520, Қарағанды облысында - 784, Қызылорда облысында - 345, Қостанай облысында - 847, Маңғыстау облысында - 177, Павлодар облысында - 576, Солтүстік Қазақстан облысында - 709, Оңтүстік Қазақстан облысында - 1029, Астана қаласында - 254, Алматы қаласында 513 сайлау учаскесі жұмыс істеген.
Қарағанды облысындағы су басқан Чкалов ауылында мына бір үй сайлаудан кейін сүріледі.
Сайлау учаскесі орналасқан Алматыдағы №68 мектеп-гимназиясы жанында азаматтардан кімге дауыс бергенін сұрап жүрген еріктілер мұның алдындағы сайлауда ашық жауап берген жұрт "бұл жолы даусын кімге бергенін айтқысы келмейді" дейді.
