Қазақстанда 26 сәуірде кезектен тыс президент сайлауы өтті. Азаттық сайлау барысы туралы тікелей желіде хабар таратты.
Қазақстан орталық сайлау комиссиясы төрағасының орынбасары Владимир Фоос елде 9741 сайлау учаскесі бар екенін хабарлады.
Ақмола облысында - 808, Ақтөбе облысында - 521, Алматы облысында - 883, Атырау облысында - 232, Шығыс Қазақстан облысында - 1079, Жамбыл облысында - 461, Батыс Қазақстан облысында - 520, Қарағанды облысында - 784, Қызылорда облысында - 345, Қостанай облысында - 847, Маңғыстау облысында - 177, Павлодар облысында - 576, Солтүстік Қазақстан облысында - 709, Оңтүстік Қазақстан облысында - 1029, Астана қаласында - 254, Алматы қаласында 513 сайлау учаскесі жұмыс істеген.
Астана тұрғыны Бауыржан Сағынайұлы жолдаған видео. Автор видеоға "Астана қаласындағы 80-сайлау учаскесіндегі келеңсіздік. Өзінің аты-жөнін таппай сандалған халық. Сайлауға деген дайындықтың қандай деңгейде екендігінің көрінісі" деген сипаттама жазған.
Кезектен тыс президент сайлауына алғашқы болып дауыс беріп жатқан адамдар. Алматы, 322-сайлау учаскесі, 26 сәуір 2015 жыл.
