15 қараша - Қазақстан ұлттық валюасы күні қарсаңында Оңтүстік Қазақстан облысы Түркістан қаласындағы Әзірет Сұлтан мемлекеттік тарихи-мәдени қорық мұражайында ақша көрмесі ашылды. Көрмеге орта ғасырларда қазіргі Қазақстанның аумағында қолданыста болған ақша түрлері мен Қазақстан тәуелсіздік алғаннан кейін шығарылған ұлттық валюта үлгілері қойылған.
Мұражай қорындағы көне ақшалардың арасында Шыңғыс хан есімі таңбаланып соғылған алтын динар, Жәңгір хан тұсында соғылған мыс ақша да бар. Азаттық тілшісінің көрмеден әзірлеген фотогалереясын ұсынамыз.
Түркістандағы ақша көрмесі
1
Көне заманнан жеткен күміс ақшалардың бірі.
2
Орта ғасырда Шыңғыс хан атымен Самарқанда соғылған алтын динар.
3
Жәңгір (Жахангир) хан атымен соғылған мыс ақша.
4
Қазақстан 1993 жылы қолданысқа енгізген ұлттық валюта үлгілері.
5
Музей қызметкері көрмеге келген оқушыларға Қазақстан тәуелсіздік алғаннан кейін шығарған ұлттық валюта үлгілерін таныстырып тұр.
6
Түркістандағы Қожа Ахмет Ясауи кесенесінің 1500 жылдығына арналып шығарылған ақша.
7
2004 жылы жазушы Мұхтар Әуезовтің 100 жылдығына арналып жасалынған ақша.
8
Суретші Әбілхан Қастеевтің 100 жылдық мерейтойына арнап шығарылған номиналды ақша.
9
Қазақтың ұлттық ойыны – қыз қууға арналған номиналды ақша.
10
Көрмеге қойылған көне және қазіргі заманғы ақша үлгілерімен танысып жүрген адам.
11
Қазақстанда айналымнан шыққан ұлттық валюта үлгілері.
12
Түркістан қаласындағы "Әзірет Сұлтан" мемлекеттік тарихи-мәдени қорық музейінде ашылған теңге көрмесінің жұмысы бір айға созылады.