Бүгін Алматы мен Астанада Желтоқсан оқиғасына қатысқандар мен қоғам белсенділері Желтоқсан оқиғасы мен Жаңаөзен оқиғасы құрбандарын еске алды. Жиналғандар Алматыда "Тәуелсіздік таңы" ескерткішіне, Астанада "Отан Ана" ескерткішіне гүл қойды. Алматыдағы рәсімге Желтоқсан оқиғасына қатысқандар, белсенділер және қала әкімі Бауыржан Байбек пен мәслихат депутаттары, жастар ұйымдарының өкілдері қатысты. Ал Астанада ресми басшылық мұндай рәсім өткізбеді. Онда Желтоқсан оқиғасын қатысқандар мен қоғам белсенділері гүл шоғып қойып тарқады. Алматыдағы рәсімге қатысқан жүздеген адам оқиғада қаза болғандарды үнсіздікпен еске алып, құрбандар әруағына бағыштап құран оқыды.
1986 жылы 16 желтоқсанда Мәскеу тағайындаған Қазақ ССР басшысына келіспейтін адамдар қатысқан, соңынан билік күшпен басқан Желтоқсан оқиғасы болды. 1991 жылы осы күні Қазақстан өз Тәуелсіздігін жариялады. Ал 2011 жылы 16 желтоқсанда еңбек дауынан туындаған Жаңаөзен оқиғасында ақысын талап еткендерді билік күшпен басты. Ресми билік Жаңаөзен оқиғасы туралы айтудан қашқақтайды. 17 желтоқсан, 2017 жыл.
Желтоқсандағы құрбандарды еске алу
1
Алматыда Желтоқсан оқиғасын еске алу рәсіміне жиналғандар қарасы жылдағыға қарағанда көп болды. Бұрын ондаған адамнан аспайтын рәсімге биыл жүздеген адам қатысты. 17 желтоқсан, 2017 жыл.
2
Желтоқсан және Жаңаөзен оқиғасы құрбандарын еске алуға жиналған адамдар саны Астанада аз болды. 17 желтоқсан, 2017 жыл.
3
"Тәуелсіздік таңы" ескерткішіне гүл шоғын қою салтанаты. Рәсімге құрметті қарауыл мен Ұлттық ұлан оркестрі де тартылды. Алматы. 17 желтоқсан, 2017 жыл.
4
Алматы қаласының әкімі Бауыржан Байбектің "Тәуелсіздік таңы" ескерткішіне гүл қойып, тағзым еткен сәті. Алматы. 17 желтоқсан, 2017 жыл.
5
Желтоқсан оқиғасына қатысқандардың бірі тобы "Тәуелсіздік таңы" ескерткішіне гүл қоюға келді. Алматы. 17 желтоқсан, 2017 жыл.
6
Ескерткішке гүл шоғын қойып жатқан адамдар. Алматы. 17 желтоқсан, 2017 жыл.
7
Имамның құран оқып отырған сәті. Алматы. 17 желтоқсан, 2017 жыл.
8
Құран оқылған кезде алақан жайып отырған адамдар. Алматы. 17 желтоқсан 2017 жыл.
9
Желтоқсан оқиғасы құрбандарын бір сәттік еске алу кезі. Алматы. 17 желтоқсан, 2017 жыл.
10
Гүл қою рәсімі аяқталған соң жиналғандар арнайы бөлінген автобусқа отырып, Желтоқсан оқиғасы құрбандарына берілетін асқа кетіп, алаңнан тарқап жатты. 17 желтоқсан, 2017 жыл.