Қырғызстандық майнинг-ферма электр қуатын Қазақстаннан алады. Бұған Астана не дейді?

Азаттықтың Қырғыз қызметі жақында өте көп электр қуатын пайдаланып жатқан майнинг-ферма туралы зерттеу жариялады. Артынша Бішкек компания мен мемлекет арасындағы шарт тоқтағанын, майнинг-ферма Қазақстанмен келісім орнатқанын мәлімдеді. Азаттық бұл туралы Қазақстанның энергетика министрінен сұрады.