Ауғанстанмен шекаралас тәжік аудандарының тұрғындары аймақта заң мен құқықтық тәртіптің мүлдем жоқтығына шағынып отыр. Олардың айтуынша, билік ахуалды жақсартуға жеткілікті күш жұмсап жатқан жоқ.
Ресейде ұлтшылдықтың белең алуы әсіресе жастар көңілін алаңдатуын қоймайды. Осы тұста жаңа үрдіс – «заңсыз антиэкстремизм» де байқалады, соның кесірінен жазықсыз адамдардың экстремизммен күрес құрбаны болуы жиілеп барады.
Украиналық басылымдар мен Австрияның ауторлар құқын қорғау ұйымы президент Виктор Януковичтің таяуда жарық көрген кітабынан плагиаттық дәлел тапқандарын айтады.
Светлана Гороховик пен Павел Виноградов некелерін қидырды. Алайда қуанышқа кірбің түсіретіні – Виноградов өктемшіл президент Александр Лукашенкоға қарсы шеруге қатысқаны үшін Беларусь түрмесінде төрт жылдық жазасын өтеп жатыр.
Украинадағы «Фемен» әйелдер ұйымы әйелдердің жалаңаш төсін наразылықтың құралына айналдырды. Қазақстанда камера алдында жалаңаштану әзірше тек веб-сайттың жарнамасы үшін қолданылған.
Қырғызстанның оңтүстігінде болған ұлтаралық қақтығыстарға жыл толса да, сол кездегі оқиғаларға әлі кесімді баға берілген жоқ. Қырғыз парламенті халықаралық комиссияның есебін қабылдамай тастады. Бірақ өз есебін де жарияламай отыр.
Халықаралық футбол федерациясы (ФИФА) Иранның әйелдер командасына Олимпиада ойындарының іріктеу жарысына қатысуға тыйым салды. Оған ирандық футболшы әйелдердің киімі себеп болды.
Өткен аптада Әзербайжанның Гәнжә қаласында полицияның араласуымен үйлену тойы өтпей қалды. Қалыңдық бар болғаны 13 жаста екен. Мұндай заңсыз некелер Қазақстанда да жиі кездесе бастады.
Норвегия босқындарға баспана беруді азайтып, заңсыз келген шетелдіктерді жаппай елден шығаруға кірісті. Соңғы екі жылда Қазақстаннан барған босқындардан түскен 53 өтініштің 27-сі кері қайтарылды.
