Астана қаласы Сарыарқа ауданы соты азаматтық белсенді Бақытжан Тореғожинаның БҰҰ адам құқықтары комитеті шешімі негізінде Қазақстан қаржы министрлігіне қарсы түсірген арызын қарап жатыр. Белсенді биліктен өзіне салынған 400 доллар көлеміндегі айыппұлды өтеп беруді және моральдық шығын ретінде 100 миллион теңге төлеуді талап етіп жатыр. 2010 жылы наурыз айында Бақытжан Тореғожина мен бірнеше белсенді Алматыда флешмоб өткізген. Оларға осы шараларынан кейін айыппұл салынған. БҰҰ комитеті Тореғожинаның шағымын қарап, Қазақстан билігі Азаматтық және саяси құқықтар жөніндегі халықаралық пакт нормаларын бұзды деген шешім шығарған.