Армения астанасында патрульдік полиция полкінің аймағын басып алған «Сасна црер» қарулы тобына қолдау білдіріп, 29 шілде кешкісін көшеге шеруге шыққандарды тарату үшін полиция пиротехникалық граната, көзден жас ағызатын газ және резеңке таяқ қолданып, ондаған адамды ұстаған. Наразылар полицияға тас лақтырып, қарсылық танытқан. Оқиға орнынан хабар таратқан Азаттықтың үш журналисіне сойылмен қаруланған азаматтық киімдегі белгісіз адамдар шабуыл жасаған. (Азаттықтың Армян қызметінің видеосы.)