Қаңтардың 29-ы күні Алматыдағы әл-Фараби атындағы қазақ ұлттық университетінің ғимараты алдында 28-ші қысқы универсиаданың алауын жағу салтанатты өтті. Алауды тұтату рәсіміне студенттер, Алматы қаласы әкімі Бауыржан Байбек, Қазақстан білім және ғылым министрі Ерлан Сағадиев, қазақстандық танымал спортшылар мен өнерпаздар қатысты. Алматыдағы Универсиада ойындары ақпанның 8-іне дейін жалғасады.