Қандыағаштағы "екпе дауы"

Қазақстанда балаларына вакцина салдыруға қарсы азаматтар саны 10 мыңға жуықтаса, соның төрттен бірі Ақтөбе облысында. Екпе салдыруға діни себеппен қарсы болатындар ең көп шоғырланған Мұғалжар ауданында жергілікті билік өкілдері, дәрігерлер, дін қызметкерлері және балаларына екпе салдыруға қарсы тұрғындар жиыны өтті. Жиын діни дауға ұласты.