Әлемде 150-ден астам елде кибершабуыл жасау кезінде қолданылған WannaCrypt бағдарлама-вирусының бағдарламалық код фрагменттері АҚШ Ұлттық қауіпсіздік агенттігінің компьютер бағдарламасынан алынған. Бұл туралы Microsoft компаниясының президенті Брэд Смиттің мәлімдемесінде айтылады. Смиттің сөзінше, үкіметтің әлсіздік туралы ақпарат жинауы - үлкен пробема.
12 мамырда жасалған 150 елде 200 мыңнан астам адам жапа шеккен кибершабуыл нәтижесінде WannaCrypt [WCry немесе WannaCryptor деп те аталады] бағдарлама-вирусы компьютердегі мәліметтерді түгел бұғаттап тастап, оны қайта ашу үшін биткоинмен ақша төлеуді талап етеді. Ресейде кибершабуылға ішкі істер министрлігі, тергеу комитеті, ұялы байланыс операторлары мен Ресей теміржол компаниясының компьютерлері ұшыраған. Ұлыбританияда бопсалаушы вирустан мемлекеттің ауруханалар мен басқа да медициналық мекемелер зардап шеккен. Қазақстанда 12 мамырда Каспий теңізіндегі Қашаған кенішін игеріп жатқан NCOC компаниясы серверлеріне кибершабуыл жасалған.
Вирус шабуылынан соң Ұлыбритания үкіметі киберқауіпсіздікті күшейтуге қосымша 64 миллион доллар бөлуге шешім қабылдады. Ақ үйде бұл мәселе екі рет талқыланды.
