"Экстремистік ұйым" деп танылып, елде қызметіне тыйым салынған "Қазақстанның демократиялық таңдауы" қозғалысы 22 ақпанда жұртты билікке қарсы наразылыққа шақырған. Бұдан бөлек, сенбі күні белсенді, саясаткер Жанболат Мамай бастаған белсенділер «Демократиялық партияның» құрылтай съезін өткізуді жоспарлаған. Осы екі шара алдында Қазақстанда белсенділер ұсталып, әкімшілік жазаға тартылды. Азаттық тілшісі мәжіліс депутаттарынан "болмаған митинг үшін азаматтарды жазалау қаншалықты орынды және бұл адам құқығын бұзу емес пе?" деп сұрап көрді.