Қазақстанның батысы, мұнайлы өңір Маңғыстау облысында мұнайшылар айлықты өсіруді талап етіп, ереуілге шығып жатыр. Жыл басында Ақтөбе облысында да Қытайға тиесілі мұнай компаниясының жұмысшылары ереуілдеткен. Бәрінің сұрайтыны – жоғары жалақы, жұмыс істеуге қолайлы жағдай. "Мұнайшылар мәселесін қалай шешуге болады?" деген сауалды жұмсақ орындықта отырып, миллион теңге айлық алатын кейбір депутат жақтырмады. Кейбірі сұрақты ести тұра "естімеді".