Нұр-Сұлтандағы проблемалық тұрғын үй үлескерлері өздерінің пайын мойындап, кооперативке мүше етіп алуды, пәтер кілттерін беруді талап етіп президент әкімшілігіне тағы келді. Өткен аптада Нұр-Сұлтан әкімдігінің "Нұрлы жер" бағдарламасы бойынша салынған тұрғын үйлердің пәтер кілттерін беру туралы бұйрығы олардың алаңдаушылығын үдете түскен. Себебі әкімдік бұйрығында пәтер кілтіне тек коопертив мүшелері қол жеткізетіні айтылған. Президент әкімшілігі кооператив пен үлескерлер арасындағы дауды келесі аптада дөңгелек үстелде талқылауды ұсынды.