Биыл жазда Нұр-Сұлтанда тұратын қыз-келіншектер WhatsApp желісінде "Дәстүрге оралу" деп аталатын чат ашқан. "Дәстүрге оралу" жобасына әртістер, суретшілер, журналистер мен басқа да қала тұрғындары мүше. Екі жүзден астам адам тіркелген бұл чат ұлттық салт-дәстүрді насихаттайды. Бұған дейін чат иелері әртүрлі форматта бірнеше кездесу өткізген. Ал 14 қазанда атқа мініп, ұлттық киім киген ондаған әйел Астана іргесіндегі Софиевка ауылында "Шуақты шақ" деп аталатын перформанс жасады.