20 қаңтарда сенат депутаты Нұртөре Жүсіп қаңтар оқиғасын ұлттық идеологиядан кеткен үлкен олқылық деп бағалады. Ол елде "TikTok" арқылы тәрбиеленген ұрпақ өскенін, қоғамда алдап-арбау, жалпақтау мен жарамсақтық дендеп кеткенін сынады. Бірақ екі жыл бұрын ол "Айқын" газетінің редакторы болып тұрған тұста "қазақ баласы еркін елде кеудесін керіп, қазақ екеніне мақтанады" деген еді. Мұны ол бұрынғы президент Нұрсұлтан Назарбаевтың арқасы деп мақтаған.