Шыңжаң өлкесі Тарбағатай аймағы Дөрбелжің ауданында туған 38 жастағы Ақиқат Қалиолла – 2015 жылы Қазақстанға қоныс аударған кәсіби музыкант. Алматы қаласында тұрып жатқан өнерпаз төрт жылдан бері Қытай билігінің Шыңжаңдағы аз ұлттарға жасаған қысымына қарсы күресіп келеді. Оның Шыңжаңда қалған анасы мен екі бауырынан хабар алмағалы екі жылдан асқан. Ал "Қытай түрмесінде қайтыс болған" әкесінің қайда жерленгенін білмейді. Ол Қазақстан президенті Тоқаев 14 қыркүйекте Қытай басшысы Си Цзиньпинмен кездесуде Шыңжаң қазақтарының мәселесін көтереді деп үміттенеді.