1991 жылы 17 наурызда Қазақстанда референдум өтіп, СССР-ді сақтап қалуды қолдады. Қазақстан небәрі бес ай бұрын, 1990 жылы 25 қазанда егемендігін жариялап қойған. Референдум тоғыз республикада өтіп, жаңарған СССР туралы шартқа қол қойылғалы тұрғанда, бүлік шықты. Ол тарихта ГКЧП деген атпен қалды. Осы оқиғадан соң ғана СССР тарап, 1991 жылы желтоқсанда Қазақстан тәуелсіздігін жариялады.