Қаңтар оқиғасы аяқталысымен "Қазақ әдебиеті" газеті ақын-жазушылар мен өнер адамдарының пікірлерін таратты. Олардың көбі "Қаңтар оқиғасы - бейбіт шеруден гөрі тереңде жатқан сұм жоспардың көрінісі", "жат пиғылды топтар ішімізден де, сыртымыздан да шықты", "полицияны жалаңаштап шешіндіріп, қорлау, ұрып-соғу, қарусыз әскерге оқ жаудыру, тірідей басын кесіп алу... – осының астарында халық пен биліктің арасына өшпенділік қоздатып, мемлекеттік төңкеріс жасау, ол ойлары іске аспаған жағдайда шаһарды күлге айналдыру мақсаты тұрды" деп жазды.