Кісі қолынан қаза тапқан 51 жастағы ащысайлық кәсіпкер, белсенді Нұрлан Ахметовтің жақындары марқұмның қырқын беруге әзірленіп жатыр. Бұған дейін бірнеше рет қастандыққа ұшыраған Ахметов ісі қазір ішкі істер министрлігінің тергеуінде. Полицияның бұған дейін қылмыстарды "аша алмағанын" айтқан бір топ белсенді тәуелсіз комиссия құрып, Қазақстан президенті Қасым-Жомарт Тоқаевқа талап қойды.