"Демократиялық партия" құру жөніндегі бастамашыл топ жетекшісі, журналист Жанболат Мамай 6 шілдеде Алматының орталығындағы Тәулесіздік ескерткіші алдында жалғыз өзі пикет өткізді. Ол биліктен коронавирус карантині кезінде табыссыз қалғандарға жәрдем беруді, азаматтардың банктен алған несиесін кешіруді, жерді шетелдіктерге сатуға, жалға беруге тыйым салуды, Макс Боқаев пен өзге де саяси тұтқындарды дереу босатуды талап етті. Әкімдік өкілі Мамайға пикетке 30 минут берілетінін, тақырыптан ауытқымауды және санитарлық талапты бұзбауды ескертті. Шара аяқталған соң белсенді мен билік өкілдері тарады.