Алматы облысының Талғар ауданындағы Талдыбұлақ ауылынан Ақбұлақ санаторийіне дейін жететін айналма жол археологтар мен жол салушылардың арасында дау тудырды. Археологтардың айтуынша, 2017 жылы дүниежүзілік универсиада қарсаңында аяқталуы тиіс айналма жол Талғар қаласының шетіндегі археологиялық ескерткіш - ортағасырлық Талхир қаласының үстінен өтіп, құнды мұраны жойып жіберуі мүмкін.