36 жастағы нұрсұлтандық белсенді Айнұр Мырзалиева ақпан соңында кәмелет жасына толмаған екі баласымен жеті сағат полиция бөлімшесінде тергеуде болып, кейін үлкен сомада айыппұлға кесілді. Оны марқұм белсенді Дулат Ағаділ асына барып, "заңсыз шеруге шыққаны" үшін айыптаған. Мырзалиева Қазақстан президенті ауыспай тұрып, билікке қарсы митингіге келгені үшін былтыр да ұсталған. Содан бері билік бірнеше рет азаматтардың саяси құқығы қорғалатынын уәде етті. Мырзалиева өзгеріс байқады ма?