Маман «карантин кезінде жаңа тіркелген компания көбейді, төтенше жағдайға байланысты бір көзден сатып алу да көп» дейді. Азаттық қор сарапшысынан бюджет қаржысын жұмсалуын бақылау кезінде тағы не байқағанын сұрап көрді. Қазақстанда коронавирус пандемиясы кезінде бюджет есебінен медициналық құрал-жабдық пен азық-түлік, жедел жәрдем көлігі мен қорғаныш заттарын сатып алу жиіледі. 2015 жылдан бері бюджет қаржысы қалай жұмсалып жатқанын зерттейтін Zertteu Research Institute қоғамдық қорының сарапшысы Ғалымжан Оразымбет бір тауар әр өңірде түрлі бағаға алынып жатқанын айтады.