Павлодарда Ертіс өзенінің үстінен салынған жаңа көпір ашылды. Құрылысы үш жылдан астам уақытқа жалғасқан көпір - Орталық-Шығыс автожолының бір бөлігі саналады. Бұл көпір арқылы өтетін автожол Ақсу мен Павлодар қалаларын тікелей жалғап, екі аралықтағы жолды қысқартады. Ресми ақпарат бойынша, нысанды салуға 84 миллиард теңге (шамамен 254 миллион доллар) жұмсалған.