41 жастағы Айжан Рахимова — алты баланың анасы. 2012 жылы жүкті кезінде жақындарымен бірге жол апатына түсіп, қос жанарынан айырылған. Іштегі сәби да жарақаттан зағип болып туған. Айжанның айтуынша, апаттан соң ата-енесі бөлек шығарып жіберген. Күйеуі де ұрып-соға берген соң, бейресми ажырасып кеткен. Әйел төрт жылдан бері алты баласын жалғыз жеткізіп келеді. Айжан "күйеуінен көрген қорлығы" мен балаларының бір-бірін қалай өсіріп жатқаны туралы баяндайды.