27 сәуірде Семейдегі Жеңіс саябағында өткен митингке бірнеше жүз адам қатысқан. Олар Қазақстанда ауылшаруашылығы жерін аукцион арқылы сату және шетелдіктерге 25 жылға жалға беру мәселесіне қатысты талаптарын билікке айтуға жиналған. Акцияда сөйлегендер "етек жайған коррупцияны" да айтқан. Оқиға куәгерлерінің Азаттыққа хабарлауынша, жиналғандарға келген қала әкімі "жазбаша талапты жоғары жаққа жеткізуге" уәде еткен соң, тұрғындар хатқа қол қойып берген. Бұдан соң митингке қатысушылар тараған. (Азаттыққа оқырман жолдаған видео.)