Әлем картасында туристер демалатын жаңа бір аймақ пайда болды. Ол – Қырзбекстан (Kyrzbekistan). New York Times газетіндегі орфографиялық қатеден басталған қызық оқиғаның соңы аты да, заты да жоқ елдің өз Twitter парақшасын ашуға дейін өрбіді.
«Қырзбекстанның» парақшасында бұл елге саяхаттауға байланысты ақыл-кеңестермен қоса оның ойдан шығарылған тарихы, мәдениеті және сыртқы қарым-қатынасы туралы айтылған.
Тарихы мен мәдениеті ойдан шығарылған «Қырзбекстан» әлемдегі (ғаламтордағы) туристер ең көп қызығатын аймақтардың біріне айналды.
Жаңа «ел» New York Times газетінің бетіндегі орфографиялық қателіктің арқасында «пайда болған» еді. Мұнан соң әлемнің ең беделді басылымдарының бірі саналатын New York Times газетінің тарихындағы ең үлкен «қатені түзету» шарасы басталды.
Бірақ «Қырзбекстан деген ел жоқ» деп кесіп айтсаңыз, қателескеніңіз. Бар болғаны оның Twitter-дегі парақшасына көз салсаңыз және фоллоуерлер санының күн өткен сайын артып бара жатқанын ескерсеңіз, ондай аймақтың пайда болғанына шынымен сеніп қалуыңыз мүмкін.
Ол жерде ұлттық әнұранға ұқсас бір патриоттық әуенді тыңдап...
...немесе балалардың дәстүрлі тақпақтарын естіп...
...Twitter-де Қырзбекстан деген «Алыс та болса жақын» (бұл «ұлттың» ұраны осындай) мемлекеттің бар екеніне иланып отырған бір қауым елді байқайсыз.
New York Times басылымы қателік жіберіп, жаңа ел «ойлап тапқан» соң Twitter-дің бетінде сондай аймақты «жасап шығарған» - газеттің негізін қалаушысы әлі құрметті президенті Джон Брэнч деген ақпаратты кездестіруге болады...
Тіпті Қырзбекстан деген елге саяхат жасағысы келгендерге арнап Conde Nast туристік компаниясы арнайы сапар жадынамасын да жасап шығарған. Ол кітапшада «Қырзбекстан – барлық армандар орындалатын жер» деп жазылған.
Бірақ бұл «елге» сапарға аттанардан бұрын оның географиялық осал тұстарын байқап...
…оның тарихына, әсіресе «Қырзбекстан» мен «Австрания» арасындағы ұзақ жылдық соғысқа назар аударыңыз...
…және олардың мәдениеті мен дәстүр-салтын үйреніңіз.
Бұл «елді» тауып бара қалсаңыз, мына қалаларға ат басын бұра кетіңіз...
...немесе кең-байтақ даласын көріңіз.
Таңдауыңыз қайсысына түссе де сізде өмірдегі ең бір күрделі сұрақ төңірегінде ойлануға...
…және ұлттық кәдесыйларды алып келуге мүмкіндік болады.
Майкл Сколлонның материалын ағылшын тілінен аударған – Мұхтар Екей.
