Украинадағы соғыс. 21-27 наурыз аралығында не болды?

БҰҰ: Украиналық балалардың тең жартысы босқынға айналды

БҰҰ Балалар қоры (ЮНИСЕФ) Украинадағы 7,5 миллион баланың 4,3 миллионы босқынға айналды деп мәлімдеді

"Украинадан шетелге кеткен 3,6 миллион адамның 1,8 миллионы – бала. Сондай-ақ 2,5 миллион бала Украина ішінде босқынға айналды" деді ЮНИСЕФ.

Песков "Шойгу Путинмен Қауіпсіздік кеңес жиынына қатысты" дейді. Бірақ жиынның видеосы жарияланған жоқ

Ресей президентінің баспасөз хатшысы Дмитрий Песков брифингіде "Ресей қорғаныс министрі Сергей Шойгу Владимир Путин өткізген Қауіпсіздік кеңесінің жиынына қатысты" деді.

Шойгудың мәлімдеуінше, "министр Шойгу арнайы операцияның қалай өтіп жатқаны жөнінде есеп беріп, босатылған аумақтардағы қауіпсіздік қамтамасыз ету және инфраструктураларды қалпына келтіру шаралары жайлы айтқан".

Кремльшіл РИА-Новости агенттігінің тілшілері жиынның видеосын жариялады, онда Шойгудың отырғаны байқалады, бірақ видеоның дыбысы өшірілген.

Кеше, 23 наурызда журналистер Ресей қорғаныс министрі Сергей Шойгудың 12 күннен бері жұрт көзіне көрінбей кеткенін аңғарған. Бұған алдымен "Медиазона" журналисі Дмитрий Трещанин назар аударды.

Осыдан соң "Агентство" сайты Шойгуды "іздеп", оның ресейлік ақпарат агенттіктерінде соңғы рет 11 наурызда шыққанын жазды. Осы күні Шойгу Түркия сыртқы істер министрі Зулуси Акмармен сөйлескен және әскери госпитальға барып, Украинадағы қақтығыста жараланғандарға наградалар тапсырған еді.

18 наурызда Кремль сайты Шойгудың Путин өткізген Қауіпсіздік кеңесінің жиынына қатысқанын жазды, бірақ жиыннан сурет я видео жарияланбады. Осы күні "Первый каналда" Шойгудың жараланғандарға награда тапсырғаны жайлы сюжет шыққан, бірақ видео кадрлары 11 наурыздағы видеомен сәйкес келеді.

Гитлер мен Путиннің үндеулерінде ұқсастық бар. Тыңдап көрейік​

Embed Бөлісіңіз

Гитлер мен Путин мәлімдемелеріндегі ұқсастық

Embed Бөлісіңіз

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:03:09 0:00

Жүктеп алу

• 240p | 7,0MB
• 360p | 10,1MB
• 480p | 14,9MB
• 720p | 42,8MB
• 1080p | 43,6MB

АҚШ Ресейге санкцияны тағы күшейтті

Бұл жолы шектеуге ілінгендер:

• Мемлекеттік думаның 328 депутаты;
• Ресейдегі 48 қорғаныс мекемесі;
• "Сбер" басшысы Герман Греф;
• Мемлекеттік дума;
• Ресей Орталық банкінің алтынмен жасалатын кез келген операциясы.

АҚШ Украинадан 100 мың босқын қабылдайтынын жариялады. Соғыс басталғалы бұл елден 3,6 млн адам шетелге кеткен. Көбі Еуропа елдеріне қашқан.