Алматыда құрылыста істейтін Жасұлан Амангелдинов 5 қаңтарда үйіне қайтып бара жатқанда көзіне оқ тиеді. Бір көзінен айырылған азаматты үш күннен соң полиция ауруханадан әкетеді. Өзінің айтуынша, тергеу изоляторында үстіне ыстық су құйып, азаптаған. Көзінен айрылып, жағы сынған Жасұлан қазір төртінші операциясын күтіп отыр. 30 жастағы жігіт изоляторда өткен 22 күні жайлы Азаттыққа айтып берді.