Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.
"Жас Алаш" газетінде жұмыс істеген.
Азаттықпен 2012 жылдан бері әріптес.
Ақмола облысы Талапкер ауылында Жанболат Ағаділдің жаназасы өтіп жатқанда Қазақстанның бірнеше қаласында азаматтар қаралы митингіге жиналды. Олар билікке наразылық айтылып, саяси қуғынды тоқтату талап етті. Қара жамылған әулетке көңіл айтып, марқұмның рухына құран бағыштады.
Шымкентте мектеп директоры жөнсіз ақша жинайтынын айтқан мұғалімдердің қатары көбейді. Кейбірінің сөзінше, директордың туған күніне, газетке жазылуға да ақша берген. Ал білім министрлігі мұндайды ашық мәлімдеу керегін ескертеді және ештеңеден қорықпауға шақырады.
Шымкент қаласында екі жыл бұрын ашылған № 125 жалпы орта мектебінің бірнеше мұғалімі мектеп әкімшілігінің жөнсіз ақша жинайтынын айтып, Қазақстан президенті Қасым-Жомарт Тоқаевқа шағынды.
Түркістан облысы Жаңаауыл ауылының тұрғыны Мейірбек Өтеганов бес баланы жалғыз бағып отыр. Қазақстанда туғанымен туу туралы куәлігі жоқ балаларға мемлекет жәрдемақы төлемейді. Тұрақты жұмысы жоқ азамат балалардың әкесі екенін дәлелдей алмаса, билік оларды балалар үйіне өткізуі мүмкін.
Түркістан облысының Мақтаарал, Жетісай ауданы мақташылары түгел егістік басында, жыл бойы егіп баптаған мақтасын жинап жүр. Бірақ шаруалар биыл жылдағыдай емес, шығын көп, пайда жоқ дейді.
Шымкентте әскери сот әскери бөлімнен "қару-жарақ ұрлап сатты" деп айыпталған сегіз адамның жетеуін 3 жылдан 10 жылға дейін бостандығынан айыруға үкім етті. Біреуіне айыппұл салды. Сотталушылардың кейбірі сот үкімімен келіспейді.
Қазақстанда індет кезінде Covid-19 пен пневмониядан кемінде қырық жүкті әйел көз жұмған. Кейбірінің туысы тиісті жәрдем көрсете алмады деп медицина мекемесін сынайды. Дәрігерлер науқасты хаттамаға сай емдегенін айтады. Азаттық індет өмірін қиған үш ананың хикаясымен танысты.
Демократиялық партия құру жөніндегі бастамашыл топтың ұйымдастыруымен 13 қыркүйекте Алматы, Қарағанды, Ақтөбе мен Семейде халыққа несие амнистиясын жариялау, саяси тұтқындарды босату, жерді шетелдіктерге сатпау талабымен жергілікті әкімдік келісімін берген митинг өтті.
Шымкент тұрғыны, суретші Вениамин Шульгин қала көшелері мен аулаларына сурет салып, өзгеше өң беріп жүр. Қылқалам шебері елге қиын тиген коронавирус індеті кезінде жабырқаған халықтың көңіліне жылу сыйлап, жігерлендіруді мақсат еткенін айтады.
Қазақстанда жаңа оқу жылының басталуына санаулы күн қалды. Індетке байланысты биыл балалар қашықтан оқиды. Алайда балалардың кейбірінде компьютер, тағы бірінде интернет жоқ. Білім министрлігі "компьютер таратып жатқанын", ауыл мұғалімі "оқу жылына жөнді дайындық жоғын" айтады.
Жаңаөзендік 31 жастағы Ержан Елшібаев "қысымға қарсылық ретінде" аузын тігіп тастаған соң Қазақстанның бірнеше қаласында қамаудағы белсендіні қолдау акциялары өтті.
Пандемиядан зардап шеккендердің хикаясы.
Түркістан облысы Шорнақ ауылының тұрғындары арасында жанжал болып, 4 адам жараланды. Тұрғындар «қазақ пен өзбек жастары төбелескенін» айтады.
30 наурызда Қазақстан жұмыста КВИ жұқтырған медқызметкерге өтемақы берілетіні жайлы ережені бекітті. Бұл ереже мыңдаған медқызметкерді өтемақыдан қағып отыр.
Тағы
