Митинг, сайлау, саяси партия туралы заң жобалары. Маңызды ақпараттар

Қазақстан билігі елдегі маңызды Сайлау туралы, саяси партиялар туралы және бейбіт митинг туралы заң жобасын қабылдады. Бұл заң жобаларының талқылануы елдегі коронавирусқа байланысты жарияланған төтенше жағдаймен тұспа-тұс келді. Елдегі және халықаралық құқық қорғаушылар парламенттен заң жобаларын қиын шақта қарауды тоқтатып, төтенше жағдай аяқталған соң талқылауға шақырған. Бірақ депутаттар бұған құлақ асқан жоқ. Қасым-Жомарт Тоқаев президент болып сайланған соң елдегі азаматтық қоғамның құқығын реттеп, сайлау, саяси партиялар және бейбіт митинг туралы заңды өзгертуге уәде берген. Бірақ сарапшылар қазіргі заң жобаларында бұрынғы шектеулер сақталып, жаңа кедергілер қосылғанын айтады.