“Пайғамбарға тіл тигізді” деп айыпталып, өлім жазасына кесілген пәкістандық Асия Бибі сегіз жылдан соң бостандыққа шықты. 30 қазанда Пәкістанның жоғары соты сот үкімінің күшін жойған. Елде жоғары соттың шешіміне қарсы наразылық шаралары өтті. Акцияға шығушылар үкімді өзгертпеуді талап еткен. 2 қарашада Пәкістан үкіметі Бибінің елден кетуіне тыйым салып, оның ісін қайта қарауға уәде берген. Ал Бибінің туыстары батыстан көмек сұрап отыр.