Азаттық радиосы

Алматы іргесіндегі ауыл өз жолын өзі төсеп алып жатыр

Алматы іргесіндегі Жандосов ауылының тұрғындары батпақ жолдан әбден шаршап, өз бетінше жол салуға кірісіп кетті. Ауылдағы әр шаңырақ ай сайын 3 мың теңгеден жинап, бір-біріне көмектесіп жатыр. Олар жергілікті әкімдіктен үміт үзген.

Тоқаевтың кеңесі, ақынға айыппұл

Астанада президент Қасым-Жомарт Тоқаев билік өкілдерінің басын қосып, кеңес өткізді. Тікелей эфирде көрсетілмеген, журналистерді бір кабинетке қамап қойған кеңесте елдің әл-ауқаты туралы айтылды.

"Тарифті өсіру, шабан реформа, салақ халық". Тоқаев өткізген жиында не айтылды?

Қазақстан Қашаған мен Қарашығанақтағы мұнай өндіруші компаниялармен неге соттасып жатыр?

Қазақстан елдегі ірі мұнай-газ кеніштерін игеруші North Caspian Operating Company N.V. мен Karachaganak Petroleum Operating BV операторларын халықаралық сотқа берді. Үкімет Қашаған мен Қарашығанақта мұнай өндіретін консорциумдардан не талап етіп отыр? Азаттық сарапшы Абзал Нарымбетовтен сұрап көрді.

"Өз парақшам, не жазам, өзім білем". Блогерлер Жаңаөзен жұмыссыздарын қаралау үшін ақша алды ма?

Әлеуметтік желіде Жаңаөзен мұнайшыларын қаралайтын жазба көбейді. Кейбір блогер тапсырыспен жазғанын мойындаса, енді бірі пост үшін 100 мың теңге ұсынылғанын айтты. Сарапшылар жұмыссыз мұнайшыларды айыптайтын жазбаларда манипуляция бар дейді.

Назарбаевтың жері, Шәріпбаевтың "былығы", Астанадағы су тапшылығы

Сот бұрынғы президент Нұрсұлтан Назарбаевтың туғаны інісін Алматы іргесіндегі 40 гектар жерін мемлекетке қайтаруға міндеттеді.

Жаңаөзендегі жарылыс, Қазақстандағы "Талибан", экс-министрдің соты

Жаңаөзен қаласында көппәтерлі үйде газ жарылып өрт адам қаза тапты.

Жаңаөзен жұмыссыздарын қаралау қанша тұрады?

Астанаға барып, үкіметтен тұрақты жұмыс талап еткен жаңаөзендік мұнайшыларды қаралап жатқан жазба көбейді. Олар наразылар талабын орынсыз деп, мұнайшылардың өзін "жақсы жалақыдан бас тартқан тойымсыздар" етіп көрсетеді. Кейбір блогер мұндай жазбаны тапсырыспен жазғанын мойындады.

Мұнайшылардың талабы, "ҚазМұнайГаздың" жауабы, Алматыдағы ұстау

Тұрақты жұмыс сұраған мұнайшылар мен "ҚазМұнайГаз" компаниясының келіссөзі әлі бітпеді. Компания талаптың кейбірін орындау мүмкін емесін мәлімдеді

Пентагонның құпия құжаттары, Солтүстік Кореяның жаңа зымыраны

АҚШ федерациялық тергеу басқармасы Пентагонның құпия құжаттарын жариялады деген күдікпен 21 жастағы әскери ұшқышты қамауға алды. Солтүстік Корея жаңа құрлықаралық баллистикалық зымыранды сынақтан өткізіп жатыр.

Белсенділерді қамау, Мамайға араша, құпия құжаттар – 13 cәуір┃AzatNEWS

Human Rights Watch құқық қорғау ұйымы саясаткер Жанболат Мамайға шыққан үкімді сынап, мәлімдеме жасады. Кейінгі бірнеше күнде интернетте тараған "құпия құжаттар" дауы ушығып тұрған шақта АҚШ Украинаға әскери әрі қаржылай көмекті тоқтатпайтынын мәлімдеді.

Алматылық бір топ режиссер ұлттық киножобалар конкурсының ережесімен келіспейді

Алматылық бір топ режиссер Ұлттық киноны қолдау орталығы ұйымдастыратын конкурстан шеттеп қалғанына наразы. Олар шығармашылық байқауда киносценарий мазмұнына емес, ең бірінші құжатқа мән берілгеніне шағым айтты. Мекеме конкурсқа іріктеу ережеге сай өтті дейді.

Жаңаөзендік наразылар 700 мың теңге жалақыдан неге бас тартты?

Жаңаөзеннен Астанаға келген наразыларды айыптай сөйлегендер де табылды. Энергетика министрлігі мұнайшыларға 700 мың теңге жалақы ұсынылғанын хабарлаған. Желі қолданушылары "мұнша айлыққа келіспеген тұрғындар қанағатсыз" деген мазмұнда пікір жазды. Мұнайшылар ұсыныстан неге бас тартқан?

Мұнайшыларды Астанадан қайтару, Жаңаөзендегі ахуал – 12 сәуір┃AzatNEWS

Жаңаөзеннен Астанаға келіп ереуілдеткен мұнайшылардың көбі пойызбен кері қайтты. Олардың бесеуі әкімшілік жауапқа тартылған. Астанада қалған 10 мұнайшы қайда? Арнайы жасақтың мұнайшыларды күштеп ұстауына мәжіліс депутаттары қандай пікір айтты?

"Сенсация болмайды" vs "Бұлыңғыр болашақ". Ресей Байқоңырдан қашан кетеді?

Жұмыс беруді талап етіп келген жаңаөзендік мұнайшылардың көбі Астанадан Маңғыстауға қайтты

Астанаға Жаңаөзеннен тұрақты жұмыс беруді талап етіп келген, министрлік алдынан полиция күштеп алып кетіп, түні бойы ұстаған мұнайшылардың көбі пойызбен үйіне қайтты. Олар билікпен келіссөз өткізуге 10 адам қалғанын айтады. Жаңаөзенде полиция көшеден адамдарды ұстап әкеткені туралы ақпарат тарады.

Жұмыс сұраған мұнайшыларды полиция алып кетті. Жаңаөзен халқы оларды дереу босатуды талап етті

Астанада энергетика министерлігінен тұрақты жұмыс беруді талап еткен жаңаөзендік мұнайшыларды 11 сәуірде кешкісін полицияның арнайы жасағы автобусқа күштеп тиеп, алып кетті. Маңғыстау өңірінде бірнеше кәсіпорынның жұмысшылары жаңаөзендіктерді дереу босатуды талап етіп, жұмысты доғаратынын мәлімдеді.

Астанадағы мұнайшылар ереуілі. Қаңтарда көлігімен өртенген ерлі-зайыпты ісінің тоқтауы

Жаңаөзеннен Астанаға келген мұнайшылармен "ҚазМұнайГаз" келіссөз жүргізді. Нәтиже шықпады. Ереуілшілер талап орындалғанша тұратынын айтты.

Украина мен Ресей тұтқын алмасты. Бахмут үшін талас жүріп жатыр

Украинаның шығысындағы Бахмут қаласы үшін шайқас әлі жүріп жатыр. Ресей медиасында қаланың 75 пайызы бақылауда деген ақпарат айтылды. Украина қарулы күштері "жағдай ауыр, бірақ қорғауды жалғастырып жатырмыз" деді.

"Бізге жұмыс керек!" Астанаға келген жаңаөзендік мұнайшылардың билікке талабы

Жаңаөзеннен Астанаға келген ондаған адам жұмыссыздық мәселесін шешуді талап етіп, энергетика министрлігінің алдында түнеді. "БерӘлі Маңғыстау Company" кәсіпорнындағы жұмысынан таяуда қысқарған адамдар үкіметтен тұрақты жұмыс беруді талап етеді.