Шұғыл хабар:

Санат НҰРБЕКОВ

Авторы: Санат НҰРБЕКОВ

қаңтар 07, 2023
Талдықорғандағы "Қаңтар". Бір жылдан соң

Қаңтар оқиғасы кезінде қоғам назарын аударған қаланың бірі – Талдықорған. Мұнда экс-президент Нұрсұлтан Назарбаевтың ескерткіші құлады. Әскерилер атқан оқтан бейбіт тұрғындар қаза тапты. Абақтыда тергеушілер ұсталғандарды азаптап, арқаларына үтік басты.
қаңтар 05, 2023
"Дұға жасағаннан басқа ештеңеміз қалған жоқ". Алматыда Қаңтар құрбандарын еске алды

Алматыда 5 қаңтар күні бір топ адам бір жыл бұрын дүрбелең кезінде қаза тапқандарды еске алды. Қала әкімдігі марқұмдардың рухына арнап мешіттерде ас берді. Алаңға жиналған азаматтық белсенділер қанды оқиғаның тергелуіне көңілдері толмайды.
желтоқсан 21, 2022
"Қалай болғанын айтқым келеді". Арқанкергендегі қырғын үшін сотталған Челах президентке хат жазды

Он жыл бұрын Арқанкергендегі қанды оқиғаға кінәлі деп танылып, түрмеде отырған Владислав Челах президентке хат жазды. Ол хатта "жасамаған қылмысы үшін" өмір бойына қамалғанын және шекара бекетіне шабуыл болғанын айтқан. Азаттық Челахтың атасымен де тілдесті.
желтоқсан 20, 2022
Азаттықты шектеу. OONI жобасының зерттеуі сайт жұмысы әдейі тежелгенін растады

Кейінгі үш ай ішінде Азаттық сайтының жұмысы әдейі шектелген. Интернеттің ашықтығын зерттейтін ұйым осындай қорытындыға келді. Бірақ шабуылды кім жасады, қандай құрылғы қолданылды деген сауалға әзірге жауап жоқ.
желтоқсан 16, 2022
"Ұста, ұста, машинаға сал тез!" Тәуелсіздік күнінде Алматыда белсенділер ұсталды

16 желтоқсан – Тәуелсіздік күнінде Алматыдағы Республика алаңында бірнеше жиын өтті. Ресми іс-шара ұйымдастырып әкім де, билікті сынап саяси белсенділер де жүрді. Полиция оннан аса адамды алаңнан да, үйінен де ұстап әкетті.
желтоқсан 15, 2022
Сенат сайлауына белсенділерді тіркемеді

Қазақстанда 14 қаңтар күні өтетін сенат сайлауына екі белсенді кандидат ретінде тіркеле алмады. Бірақ мұндай шектеу сайлау заңы мен конституцияда бұрын сотталғандарға емес, қазір түрмеде отырғандарға қатысты екені жазылған.
желтоқсан 14, 2022
Ермек Нарымбаевты сот босатпады

Алматы іргесіндегі Заречный түрмесінде 55 күн ашығып, 20 келіден көп салмақ тастаған Ермек Нарымбаевтың жазасын сот жеңілдетпеді, бостандыққа шартпен шығуға да рұқсат бермеді. Сот Нарымбаев отырған камерадан SIM карта табылғанын, тәртіп бұзғанын айтқан. Адвокаты бұл айыппен келіспейді.
желтоқсан 12, 2022
"Ұпай жинау үшін жасалған қадам". Шетелдік көліктерді заңдастыру жуырда басталады

Министрлік дерегінше, жаңа заң кедендік тазалаудан өтіп, ұрлауда болмаған шетелдік автокөліктерді заңдастыруға рұқсат береді. Заңдастыру құны - екі жүз мың теңге төңірегінде. Жеңілдетілген заңдастыруды қолдайтындар да, қарсылар да бар.
желтоқсан 07, 2022
Абай университеті мен құрылысшылар соттасып жатыр

Алматыда Абай атындағы қазақ ұлттық педагогикалық университеті мен оқу орнының ғимаратын жөндеген компания соттасып жатыр. Екі тарап та бірін бірі «міндетін орындамады» деп айыптайды.
қараша 30, 2022
"Кінәсіз екенімді дәлелдеуден шаршадым". Үзеңгілестері Қалас Нұрпейісовті босатуды талап етті

Қаңтар оқиғасына байланысты айыпталған азаматтық белсенді Қалас Нұрпейісовті үзеңгілестері босатуды талап етті. Олар Нұрпейісовтің денсаулығына алаңдайды. Нұрпейісов бірер күн бұрын білегін кесіп, өзіне қол салмақ болған.
қараша 29, 2022
Денсаулық сақтау ұйымының сайты Қазақстанда бұғатталып тұр

Дүниежүзілі денсаулық сақтау ұйымының сайты Қазақстанда бұғатталып тұр. Оған – Алматы облысы Талғар аудандық сотының шешімі себеп. Сот "сайтта адамды суцицидке итермелейтін ақпарат бар" деген. Ұйымның өзі үнсіз, ал журналистер құзырлы орган уәжін жоққа шығарады.
қараша 28, 2022
Тоқаевтың олигархтарға қарсы заңы қандай болуы керек?

Президент Қасым-Жомарт Тоқаев ұлықтау рәсімінде заңсыз шығарылған активтерді қайтару туралы заң жобасы әзірленетінін айтты. Ол Қаңтар оқиғасынан кейін де экс-президенттің кезінде байыған "белгілі бір адамдар", олигополия туралы сөз қозғаған. Elge Qaitaru қорының басшысы Оразалы Ержанов жауап берді.
қараша 28, 2022
Қазақстан абақтысындағы қарақалпақ белсендісін үйқамаққа ауыстыруды сұрайды

Қазақстан түрмесінде қамауда жатқан қарақалпақ белсендісі, 55 жастағы Раиса Құдайбергенованы туыстары үйқамаққа ауыстыруды сұрайды. Биыл жазда Нүкістегі қарсылыққа сыртай қолдау білдірген оны Қазақстан полициясы қыркүйек айында ұстаған.
қараша 23, 2022
Сайлауда әкім бақылаушыны "сыртқа шақырған"

Ақмола облысы Ерейментау ауданынында сайлау күні бақылаушы болған азамат аудан әкімі учаскеден жарты сағат шыға тұруды өтінгенін айтады. Ол екеуара әңгімені аудиоға жазып алған. Әкімдік мұны "фейк шығар" дейді.
қараша 21, 2022
Бюллетеньдегі Тоқаевқа қарсы жазбалар

Белсенділер мен билікке наразы адамдар сайлауда дауыс беру парағына түрлі талап жазып, желіде жариялап жатты. Көбі Қаңтар оқиғасын еске алған. "Ешбір кандидатқа сенбеймін" дегендер де бар. Бюллетеньдердегі "наразылықты" шолып шықтық.
қараша 20, 2022
Сайлау күні билікті сынаған белсенділер қалай ұсталды?

Алматыда қауіпсіздік шарасы күшейіп, қалада полиция көбейді. Орталық алаң мен қаладағы негізгі көшелер бойында автозактар тұрды. Сайлауға наразы бірнеше оппозициялық қозғалыс митингіге шығатынын ескерткен. Полиция наразы топтың ешбірін бес минуттан артық тұрғызбай, күштеп ұстап әкетті.
қараша 16, 2022
Тоқаевтың Алматыда халықпен кездесуінен тұрғындар хабарсыз

Бүгін, 16 қарашада президент Қасым-Жомарт Тоқаев Алматы халқымен кездесті. Бірақ кейбір тұрғындар президенттің сапарын және халықпен кездесуін алдын-ала естімегендерін айтады.
қараша 15, 2022
Қызылордалық екі әйел Қаңтарда ұсталған күйеулерін босатуды сұрайды

Қызылордалық Ғабит Піржанов пен Қазбек Құдайбергеновтер Қаңтар оқиғасына қатысты істі болып, 10 айдан бері қамауда жатыр. Жақындары, олардың қаңтарда қамауға алынғанда "азаптауға шыдамай жасамаған қылмысты мойындауға мәжбүр болған" дейді.
қараша 14, 2022
Сайлау қарсаңында белсенділер ұсталып жатыр

Президент сайлауына санаулы күндер қалғанда Қазақстанның бірнеше қаласында тіркелмеген оппозициялық "Алға, Қазақстан" партиясының бастамашыл тобының мүшелері ұсталды. Олардың бірі түрмеде үш күннен бері аштық жариялап жатыр.
қараша 11, 2022
Рақымшылық заңы аясында сотталғандар босап жатыр

Бүгін, 11 қарашада Алматы қаласы Алатау аудандық соты қаңтар оқиғасына қатысып, сотталғандарға рақымшылық жасау мақсатында кемі 22 адамның ісін қарап жатыр. Солардың арасында ұлты қазақ, Өзбекстан азаматы 17 жастағы Сәкен Тәліпов жазадан құтылып, бостандық алды.

XS

SM

MD

LG