Шұғыл хабар:

Үкілай БЕСТАЙ

Авторы: Үкілай БЕСТАЙ

ақпан 01, 2010
Хамид Карзай тәлібтерді бітімге келуге шақырды

Ауғанстан президенті Хамид Карзай жексенбі күні тәлібтерді қаруларын тастап, ауған заңын қабылдауға шақырды. Оның бұл мәлімдемесімен қатар көрші Пәкістанда тәлібан жетекшісі Хакимулла Мехсуд өлді деген хабар тарады. Ал тәлібтер өкілі ақпаратты теріске шығарды.
қаңтар 27, 2010
Түркменстан 23 млрд. доллардың құрылысын салмақшы

Ғаламдық экономикалық дағдарыс салдарынан көп елдерде құрылыс жобалары тоқтап тұр. Бірақ Түркменстанда жағдай басқаша. Бес миллиондай халқы бар бұл елдің президенті Гурбангулы Бердімұхамедов алдағы екі жылда 23,6 млрд. доллар болатын құрылыс жобаларын бастады.
қаңтар 25, 2010
Ахмадинежад бюджеттің мұнай табысына тәуелділігін азайтуды ұсынды

Иран президенті Махмуд Ахмадинежад жексенбі күні жылдық бюджет жобасын парламент қарауына ұсынып, елдің негізгі табысы мұнайға тәуелділікті азайтуға назар аудартты. Сондай-ақ ол елдің даулы ядролық бағдарламасына қатысты алдағы айда көбірек жаңалық болатынын айтты.
қаңтар 21, 2010
Президент Медведев жаңадан Солтүстік Кавказ әкімшілік аумағын құрды

Ресей президенті Дмитрий Медведев Солтүстік Кавказдағы жеті аймақты біріктіретін жаңа әкімшілік бірлігін құрды. Оның басшысы әрі президенттің өкілі болып Сібірдің бұрынғы басшысы Александр Хлопонин тағайындалды.
қаңтар 18, 2010
Хиллари Клинтон зілзала зардабын тартқан Гаитиге барды

АҚШ мемлекеттік хатшысы Хиллари Клинтон қаңтардың 12-дегі қуатты жер сілкінісінен зардап шеккен Гаити республикасына барған Батыстың бірінші ресмиі болды. Ол Гаити президенті Рене Превалмен кездесуінде табиғат апатының салдарларын жою үшін Вашингтон гаитиліктерге жан-жақты қолдау танытады деп мәлімдеді.
қаңтар 11, 2010
Того үкіметі ұлттық футболшыларын Анголадан қайтарып алды

Анголада өтіп жатқан Африканың ең үлкен футбол жарысына қанды шабуылға тап болған тоголық футбол құрамасы қатыспайтын болады. Басында қаза тапқан үш адамының рухына арнап, жарысқа қатысамыз деген футбол командасының қауіпсіздігіне алаңдаушылық танытқан Того үкіметінің басшысы оларды елге қайтарып алды.
қаңтар 04, 2010
Ауған президенті өзі үкімет құрамына ұсынатын адамдардың тізімін қайта жасайды

Ауғанстан президенті Хамид Карзай ұсынған үкімет құрамының жартысынан көбін жасырын дауысқа салған ел парламентінің депутаттары мақұлдамай тастады. Енді президент Хамид Қарзай жаңа үкіметке ұсынылатындардың тізімін қайтадан жасап ұсынбақшы.
желтоқсан 28, 2009
Теһранда қауіпсіздік күштерімен қақтығыстарда 4 шеруші қаза болды

Жексенбі күні Теһранда қауіпсіздік күштері мен мыңдаған шеруші арасындағы қақтығыстан төрт адам қаза тапты. Иран оппозициясы шииттердің Ашура мерекесі мен өткен аптада қайтыс болған діни қайраткер аятолла Хоссейн али Монтазеридің жетісін пайдаланып, үкіметке қарсы шерулерін жалғастырған.
желтоқсан 21, 2009
Иран жұрты ірі діни тұлғасы Монтазериді ақтық сапарға шығарып салды

Дүйсенбі күні Құм қаласында Иран билігін қатты сынаушылардың бірі, Аятолла Хоссейн Али Монтазери жерленді. Елдің діни қайраткері әрі диссидент болған 87 жастағы Монтазери жексенбіге қараған түні қайтыс болған еді.
желтоқсан 05, 2009
Ресей Страсбург сотының шешіміне сәйкес тәжік азаматына өтемақы төлейтін болды

Ресейде есірткіге қатысты айыптармен үш жылын қамауда өткізген 29 жасар тәжік азаматы Страсбургтегі адам құқықтары бойынша еуропалық сотқа шағымданып, Ресей түрмесіндегі көрген қиындықтары үшін 18,5 мың еуро өтемақы алатын болды. Рахматулло Назаровтың басынан кешкендері.
желтоқсан 01, 2009
Ауғанстандағы сыбайлас жемқорлыққа қарсы күрес Қазақстандағыдай қатал емес

Ауғанстанда жемқорлыққа қарсы күрес департаменті құрылды, 15 министрдің жемқорлық айыбы бойынша тергеліп жатқаны мәлім болды. Қазақстанда жемқорлықпен күрестің жүріп жатқанына біраз болды, ол көбіне саяси мүдделердің есеп айрысуына ұқсап кетеді.
қараша 30, 2009
Швейцариялықтар мешіттерде биік минарет - мұнараларға тыйым салу ұсынысын қолдады

Жексенбі күні швейцариялықтардың басым бөлігі мешіттердегі азан шақыратын мұнараларға тыйым салуды қолдап дауыс берді. Бұл мәселені дауыс беруге шығарған оңшылдар партиясы минареттер ықпалды күшті білдіріп, Швейцарияны исламшыл ел ету стратегиясын ұстанады дейді.
қараша 26, 2009
Мұсылмандардың қасиетті қалалары Мекке мен Мединада қажылық басталды

Исламның бес парызының бірі – қажылыққа бару болса, осы жылғы қасиетті орында мінәжат ету шарасына шамамен 2,5 млн адам жиналды. Сауд Арабия қажылық парызын өтеймін деген қазақстандықтарға 4 мың квота бөлгенімен, Қазақстаннан қажылыққа 2 мыңнан аса ғана адам баратыны хабарланған еді.
қараша 23, 2009
Еуропа Одағының басшылығына келген Херман ван Ромпей мен Кэтрин Эштон кім?

Бельгия премьер-министрі Херман ван Ромпей қаңтардың 1-інен бастап Еуропа Одағының алғашқы президенті қызметіне кіріседі. Ал ЕуроОдақтың сауда істері комиссионері британиялық Кэтрин Эштон одақтың сыртқы саясат басшысы болды. Бірақ Эштонға әлі Еуропа парламенті дауыс беруі керек.
қараша 20, 2009
АҚШ президенті МАГАТЭ ұсынысынан бас тартқан Иранға жауап беретін келіссөздер басталғанын айтты

Барак Обама ядролық қару иеленбекші деген күдікті сейілтетіндей ұсынысқа оң жауап бермеген Иранға қарсы санкциялар бойынша АҚШ халықаралық әріптестерімен келіссөздерді бастады деді. Иран байытылған уранын Ресейге өңдеуге жіберсін деген МАГАТЭ ұсынысын қабылдамаған еді.
қараша 09, 2009
Қытай Мысыр саммитінде Африкамен жақын байланыс құруды көздеуде

Жексенбі күні Қытай премьер-министрі Уен Жиабао Мысырда африкан жетекшілерімен кездесіп, бұл елге Қытай инвестициясын салу мәселесін талқылады. Және Бейжіңнің Африка құрлығына қолдауы ретінде қайтарымсыз несие ұсынды. Уен Жиабао бұл Африканың қаржылық мүмкіндігін реттеуге көмектеседі деді.
қазан 19, 2009
Иран президенті қанды шабуылдың артында АҚШ-тың қолдауындағы күштер тұр дейді

Жексенбі күні Иранның жоғары дәрежелі бес қолбасшысымен қоса 42 адам жанпидашының шабуылынан қаза тапты. Иран бұл шабуылға АҚШ, Британия Пәкістанның қатысы бар деп, Исламабадтан жарылысқа жауапты деген Жундолла сүнниттер тобының жетекшісін беруді талап етіп отыр.
қазан 12, 2009
Pew зерттеу орталығы: Әлем мұсылмандары- ның саны 1,57 млрд. адам

Мұсылмандардың 60 пайызы Азияда тұрады, ал Түркия, Индонезия және Филиппин елдерімен қатар Таяу Шығыс және Солтүстік Африка елдерінде әрбір 5 адамның біреуі мұсылман екен. Мұсылмандар әлем халқының 23 пайызын құрап отыр.
қыркүйек 21, 2009
Обама Таяу Шығыс келіссөздерін қайта бастауға шақырды

Ақ үйден хабарланғандай, АҚШ президенті Барак Обама Израиль премьер-министрі Биньямин Нетаньяху және Палестина президенті Махмұд Аббаспен кездеседі. Сейсенбіде басталатын кездесу Таяу Шығыстағы бейбіт келіссөздерді қайта бастауға негізделеді.
тамыз 29, 2009
Совет Одағы 60 жыл бұрын Қазақстанның Семей аймағын ядролық сынақ алаңына айналдырған болатын

Қазақстан жерінде халыққа әкелген қасіреті әлі де жойылмаған алапат оқиғаға 60 жыл толып отыр. Совет Одағы Семей аймағында 1949 жылдың 29-шы тамызында алғашқы ядролық сынақ өткізген еді.

XS

SM

MD

LG