«Қазақстандағы оппозиция қаншалықты пәрменді?» деген сауал тастайды «Айқын» басылымы алғашқы бетінде. Парламент депутаты Серік Әбдірахманов «оппозиция қалыптасып, қоғамнан өз орнын алып үлгерген. Олардың көпшілігі билікке өкпелі, қызметінен шеттетілгендер», - десе, «Ақ жол» партиясының төрағасы Әлихан Байменовтің айтуынша, «оппозиция осы уақытқа дейін шешімін таппаған біраз мәселелерді көтерді. Ал қазір билік зейнетақыны, шәкіртақыны, жалақыны көбейтті». «Мұның бәрін кезінде оппозициялық күштер көтерген болатын. Сондықтан, оларды пәрменсіз, қауқарсыз деуге болмайды», - дейді Әлихан Байменов.
