Айжан ЖЕҢİСҚЫЗЫ

Президенттікке үміткерлердің қаржысы «Қазақстан халық банкіде» шоғырланатын болады

Президенттікке үміткерлердің уақытша арнайы шоттары «Қазақстан халық банкіне» қарайтын болады. Бұл жөнінде сәрсенбі күні Орталық сайлау комиссиясы шешім шығарды. Орталық сайлау комиссиясының хатшысы Владимир Фоостың айтуынша, республиканың барлық аймағында филиалы бар «Халық банкімен» жұмыс істеу үміткерлер үшін тиімді болмақ, сол себепті, осы банк таңдап алынды. Ал бұған дейін осы мәселе бойынша Жоғарғы сотқа шағымданған «Әділетті Қазақстан үшін» қоғамдық қозғалысының жетекшісі Жармахан Тұяқбай бұл банктің артында қазіргі президент Нұрсұлтан Назарбаев пен «Отан» партиясына жақын топтар тұр, сондықтан, бұл заңсыз шешім деп есептейді.

Баспасөз шолуы. 09.24.2005 жыл

Сенбі күні жарық көрген республикалық басылым беттерінде алдағы президент сайлауының қалай өтіп, оған кімдер қатысатындығы талқыланыпты. Кейбір газеттер президенттікке үміткерлердің бірі мемлекеттік тілден емтихан тапсыруды концерт алаңына айналдырды десе, келесі бір басылымда үмікерлер ұсынған саяси ұйымдар артында қаржылық топтар тұр деген пікірлер келтіріпті.

Қазақстандағы «Орыс қауымдастығы» Нұрсұлтан Назарбаевты президенттікке үміткер ретінде ұсынды

Қазақстандағы «Орыс қауымдастығы» ұйымы алдағы президенттік сайлауға қазіргі президент Нұрсұлтан Назарбаевтың кандитурасын ұсынды. Мұндай шешім жұма күні Алматыда өткен орыс қауымдастығының кезектен тыс 11-ші съезінде қабылданды. Сайлау қарсаңында олар Назарбаевты қолдайтын 100 мың дауыс жинайтындықтарын айтты. Ұйым жетекшісі Юрий Бунаковтың айтуынша, Нұрсұлтан Назарбаев Қазақстандағы ұлтаралық қатынас мәселесіне назар салып, орыс тілінің жағдайын жақсартуға ат салысты. Алайда, адам құқығын қорғаушы, журналист Сергей Дуванов «орыс қауымдастығы ұйымы тікелей Ресей және Қазақстан үкіметімен тығыз байланысты, сондықтан, солардың тапсырыстарымен жұмыс істейді» дегенді алға тартады.

Алматы туристік ұйымдар қауымдастығы елде туризм министрлігі құрылуы тиіс дейді

Қазақстанға туризм министрлігі керек. Сәрсенбі күні Алматы туристер қауымдастығын өкілдері осындай мәлімдеме таратты. Олардың айтуынша, соңғы 4-5 жылда туристер алдындағы өз міндеттемелерін орындамайтын туристік фирмалар көбейген. Соның салдарынан осы уақыт аралағында 1000-ға жуық қазақстандық шетелге демалуға барып, өз мерзімінде елге қайта алмай қалған.

Билл Клинтон Алматыда Қазақстан президенттігіне үміткерлер - Нұрсұлтан Назарбаев және Жармахан Тұяқбаймен кездесті

Сейсенбі күні түнде Алматыға ұшып келген АҚШ-тың бұрынғы президенті Билл Клинтон Қазақстан президенті Нұрсұлтан Назарбаевпен кездесті. АҚШ-тың экс-президенті Қазақстанға келер алдында Катрин дауылынан зардап шеккен Жаңа Орлеан өңіріндегі көптеген аудандарды аралап шыққандығын және одан зардап шеккендерге арнап қор құрылғандығын айтты. Нұрсұлтан Назарбаев өз кезегінде табиғи апаттан зардап шеккен американдықтарға Қазақстан көмек көрсетеді деді.

Қазақстан президенті Н.Назарбаев Парламент депутаттарын Адам құқығы жөннідегі халықаралық пактілерді тезірек ратификациялауға шақырды

Қазақстан президенті Нұрсұлтан Назарбаев бейсенбі күні халықаралық «Азаматтық және саяси құқықтар туралы» және «Экономикалық, әлеуметтік және мәдени құқықтар туралы» пактілерді Қазақстан Парламентінің жақын уақытта ратификациялауы қажеттігін атап өтті. Адам құқығына қатысты осы құжаттарға қосылу туралы президент жарлығы 2003-ші жылы шыққан болатын. Алайда, бұл мәселенің енді ғана қозғала бастауын бірқатар сарапшылар алда келе жатқан президенттік сайлау науқанымен байланыстырады. Сонымен бірге Қазақстан президенті Президент әкімшілігіне Қазақстанның 2009-шы жылы Еуропадағы қауіпсіздік пен ынтымақтастық ұйымына төрағалық етуінің әзірлігі үшін кешенді бағдарлама жасауды тапсырды.

Алматы облысы Алакөл ауданында белгісіз себептермен жабайы құстар қырылды

Алматы облысы Алакөл ауданы Алакөл ауылы маңында оннан астам үйрек кенеттен өліп, ол маң қазір оқшауландырылған. Бұл жайында «Азаттық» радиосына жұма күні Алматы облысының Төтенше жағдайлар бойынша басқармасынан келіп түсті. Құс өлігін тексерген облыстық зертхана мамандары олардан құс тұмауының белгісі байқалған жоқ деп отыр. Бүгінде құстардың қаны республикалық сараптама орталығынан жөнелтілген. Ал бұл уақытта Дүниежүзілік денсаулық сақтау ұйымының сарапшылары Қазақстанның 96 дәрігер, ғалымдарымен құс тұмауына қатысты арнайы кеңес өткізген. Дәрігерлер құс тұмауы жаңа вирустың пайда болуына түрткі бола ма деген қауіп білдіріп отыр.

«Аралтұз» кәсіпорнына қатысты аштық жариялаушылар темір жолды жабуға бел буып отыр

Қызылорда облысындағы ірі кәсіпорындардың бірі - «Аралтұзға» қатысты наразылық акциясы жалғасуда. Тамыздың 16-күні наразы топтағы 21 адамның тоғызы сот шешімімен әртүрлі мерзімге абақтыға жабылған соң, басқалары енді темір жолды жауып тастамаққа бекініп отыр. Бұл туралы жұма күні «Азаттық» радиосына телефонмен хабарлаған Аралдағы наразы топ жетекшісі Жомарт Қартбаевтың сөзіне қарағанда, егер жақын 3 күнде бұған дейін қамауға алынған аштық жариялаушылар босатылмаса, онда аудан әкімінің қызметінен кетуі талап етіліп, аштық жариялау акциясы аудан орталығында жалғаспақ. Алайда, «Аралтұз» кәсіпорнының президенті Оңталап Ахметов «Азаттық» тішісіне берген сұхбатында наразылық акциясына қатысқан 12 адамды сотқа бергенін айтты. Ол бұл наразылық акциясының астарында әлдекімдердің экономикалық мүддесі жатуы мүмкін деп санайды.

Қазақстан оппозициясы шығарған жаңа Конституция жобасы туралы кітапшаларды Алматы полициясы тәркіледі

Тамыздың 18-і күні Алматы полициясының қызметкерлері оппозициялық бағыттағы «Әділетті Қазақстан үшін» қоғамдық қозғалысының баспаханадан шығарған «Біздің еліміздің жаңа Конституциясы туралы» кітапшасының ондаған мың данасын тәркілегені мәлім болды. Олар бұл құжаттарда заңға қайшы пікірлер кездесуі мүмкін деген күдік келтіріп, сараптама жасауға жіберді, деп хабарлады «Азаттық» радиосына «Әділетті Қазақстан үшін» қозғалысының мүшесі Марат БАЙМҰХАНБЕТОВ бейсенбі күні. Заңгер Серікқали МУСИН болса, полицейлер заңға қайшы әрекетке барып, қоғамдық ұйымның қызметіне кедергі келтірді десе, қалалық ішкі істер басқармасы бұл оқиғаға байланысты «Азаттық» радиосына қандай да бір ақпарат беруден бас тартты.

Арал ауданында аштық жариялаған 21 адам әкімшілік жазаға тартылды

Қызылорда облысы Арал ауданы Жақсықылыш қыстағы маңындағы «Аралтұз» кәсіпорны алдында аштық жариялаған 9 ер адам сейсенбі күні 5 тәуліктен 9 күнге дейін қамауға алынып, 12 әйелге айыппұл салынды. Бұл жөнінде «Азаттық» радиосына Арал аудандық ішкі істер басқармасы бастығының қызметін атқарушы Ерболат Айдабековтің сөзінен мәлім болды. Ал наразылық танытушы топ мүшелері өздерінің ешқандай тәртіпсіздік жасамағандарын, тек өздерінің әлеуметтік жағдайларын жақсартуды талап еткендерін айтады. Қазіргі кезде 15-16 адам аштық жариялауды жалғастыруда деді наразы топ жетекшісі Жомарт Қартбаев сәрсенбі күні «Азаттық» радиосына. Ол, егер әлеуметтік талаптар орындалмаса, онда саяси талаптар қойыла бастайтынын айтты.

Азаматтық және Аграрлық партиялар мен Асылбек Қожахметов арасындағы сот процесі қалай аяқталмақ?

Жұма күні Алматыдағы Бостандық аудандық соты оппозициялық саясаткер Асылбек Қожахметовтің «Азаматтық партияның» үстінен берген талап-арызын қанағаттандырмады. Арыз иесі бұл саяси партияны экстремистік деп тауып, оның қызметін тоқтауды сұраған болатын. А.Қожахметов мырзаның тура осындай мазмұндағы тағы бір арызын осы күні Астанадағы Сарыарқа соты да қарады.

Ізімхан Баянова: «Арманым – бөтен елдің емес, өз елімнің көшесін сыпыру...»

Түркіменстандағы 4 мыңға жуық қазақ тұратын Түркіменбашы қаласындағы №3-ші орта мектептің бұрынғы директоры, қазақ тілі мен әдебиеті пәнінің маманы Ізімхан Баянова өз мектебінде қазақ тілінің сақталуы үшін бірнеше мәрте сот орындарына жүгініп, Түркіменстан президентіне дейін хат жолдаған. Қазір Түркіменстанда тек сол №3-ші мектепте ғана қазақ тілі пәні әлі күнге дейін оқытылады. Ал қазақ тілі мұғалімі Ізімхан Баянова болса, өз қаласының көше сыпырушысына айналған. «Ендігі тілегім – ең құрығында бөтен елдің емес, өз елімнің көшесін сыпырсам», - дейді 1-ші дәрежелі мұғалім. Алайда, әзірге оның Қазақстанға көшіп келуге жасаған әрекеттері сәтсіз аяқталыпты.

Қазақстанда оппозициялық бағыттағы «Алға» саяси партиясы құрылмақ

Қазақстанның саяси сахнасында жаңа саяси оппозициялық партия пайда болды. Шілденің 23-күні Алматыда тіркеуден өтпеген «Алға, ҚДТ» партиясының құрылтайы өтті. Ұйымдастырушылар есептері бойынша, құрылтайға 1106 адам қатысқанын жариялады. Жиында жаңа партияны «Алға» деп атау ұйғарылды. Құрылтайға қатысушылар алдағы президент сайлауында «Әділетті Қазақстан» қоғамдық қозғалысының лидері Жармахан Тұяқбайды бірауыздан қолдайтындарын мәлімдеді.

Баспасөзге шолу. 07.23.2005 жыл

Сенбі күні жарық көрген басылымдарда қоғамда пікірталас тудырған бірқатар сот процестері мен тергеу жұмыстарының мән-жайы айтылыпты.

Алматы қаласында жергілікті биліктің шешіміне наразы азаматтар «Өз үйімізді қорғаймыз» атты қоғамдық комитет құратындарын мәлімдеді

Баспанасыз қалу қаупі туындаған 1000-нан астам алматылық «Өз үйімізді қорғаймыз!» деген қоғамдық комитетке бірікті. Бұл жөнінде сәрсенбі күні қоғамдық комитеттің үйлестірушісі Маржан Аспандиярова мәлімдеді. Оның сөзіне қарағанда, комитетке қазірдің өзінде көптеп түсіп жатқан шағымдардың дені қала әкімшілігінің шешімімен құлатылатын ескі үйлер мен қайта өңдеуден өтіп сатылатын жоғары оқу орындарының жатақханаларына қатысты. Маржан Аспандиярова қазір наразы топтың Алматы қаласы әкімімен кездесуді талап етіп отырғандарын айтып отыр. Ал «егер қала халқының мәселелерін шеше алмаса, ондай әкім қызметінен кетуі тиіс» деп есептейді бастамашы топ мүшелері.

Тіркеуден өтпеген оппозициялық «Алға, ҚДТ» саяси партиясы бағдарламасы жобасының таныстырылу рәсімі болды

Қазақстанның әлі тіркеуден өтпеген «Алға ҚДТ» оппозициялық саяси партиясының сейсенбі күні жария етілген бағдарлама жобасы қазірдің өзінде пікірталас туғызып отыр. Мәселен, «Әділетті Қазақстан» қоғамдық қозғалысы мен Қазақстанның коммунистік партиясы сияқты оппозициялық ұйым жетекшілері бұл құжатта партияның айрықша бет-бедерін айқындайтын тұстардың аз екендігін тілге тиек етті. Сондай-ақ, «бұл бағдарламаның жабылып қалған «ҚДТ» халықтық партиясының басты құжатынан айырмашылығы бар ма?» деген сауал төңірегінде де бағдарлама әзірлеушілердің өздері қарама-қайшы пікірі білдіреді.

«Сорос-Қазақстан» қоры Қазақстандағы үкіметтік емес ұйымдарға 135 мың АҚШ долларын бөлді

Баспасөзге шолу. 07.16.2005 жыл

Қырғызстандағы президенттік сайлау қортындысы сенбі күні жарық көрген қазақстандық газет беттерінде түрлі пікір туғызды. Егер бір басылымдар сайлау кезінде шынайы бәскелестік болған жоқ деген сын айтса, келесі бір газеттер соңғы кезде онда бейберекетсіздіктер орын алмай, Қырғызстанда сайлаудың дұрыс өткендегін айтады.

Қазақстанда жалған «зейнеткер» мен «мүгедек» саны қанша?

Мемлекеттік зейнетақы және жәрдемақы төлеу орталығының Алматы қаласы Бостандық ауданындағы бөлімшесінде бірнеше жылдан бері 2600-ден астам адамға жалған құжаттар арқылы зейнетақы мен жәрдемақы заңсыз беріліп келгені анықталып отыр. Бұл іс бойынша тергеу жүргізіп жатқан заң орындары айып тағылған 3 күдіктіге қарсы қылмыстық іс қозғалғанын хабарлады. Тергеушілердің айтуынша, бұл топ өздерінің сенімді өкілдері арқылы таныстарына шамамен 400 долларға зейнеткерлік немесе мүгедектік туралы құжат рәсімдеп, осы арқылы жалпы саны 2600 адам заңсыз түрде ай сайын мемлекеттен 10 мың теңге көлемінде зейнетақы немесе жәрдемақы алып келген. Заң орындары бұл қылмыстық іс-әрекеттен мемлекетке 500 миллион теңгеден артық шығын келгенін айтып отыр.

«Наурыз-банкке» қатысты шатақ мәселе қылмыстық істің қозғалуына ұласты

Қазақстан заң орындары бүгінде қызметі тоқтатылған «Наурыз-банк» басшылығының үстінен қылмыстқ іс қозғады. Ал аталмыш банктің бұрынғы басшысы Оразалы Ержанов, өткен айдың соңында баспасөз арқылы, бұл банктегі күмәнді қаржы операцияларына Қазақстанның жоғары билігі өкілдерінің және соларға жақын адамдардың қатысы болғаны туралы мәлімдеп, шатақ мәселенің бетін ашқан болатын.