13 маусым күні кешкісін Демократтар пікір-сайыс клубында «Альтернатива» зерттеу орталығының директоры Андрей Чеботарев, «Назарбаевтан соң Қазақстандағы жағдай» деп аталатын тақырыптың аясында баяндама жасады. Осы тақырыпты бірнеше жыл зерттеп жүрген саясаттанушы, 2005 жылы өткен президент сайлауы кезінде, егер билік басынан Назарбаев кететін болса, сол кездегі «Отан» партиясы бір пәсте тарихтың қойнауына сіңіп жоғалады немесе ол оппозициялық партияға айналып, оның төрағасы Ермұхамет Ертісбаев болады деп болжам жасаған. Ол уақытта «Отан» партиясының «Нұр Отанға» айналатынын ешкім білген жоқ.
