Қыркүйектің 26-сы күні Қазақстан президенті Нұрсұлтан Назарбаевтың АҚШ-қа ресми сапары басталды. Бұл сапарында ол АҚШ президенті Дж.Бушпен, вице-президент Дик Чейнимен, АҚШ конгресінің өкілдерімен, ірі американдық компания басшыларымен, көрнекті қоғам және діни қайраткерлермен кездеседі. Бұл туралы "Азаттық" радиосына Қазақстан Сыртқы істер министрлігінің ресми өкілі Ержан Ашықбаев сейсенбі күні хабарлады. Оның айтуынша, екі ел президенттері кездесу кезінде халықаралық терроризммен күрес, энергетикалық қауіпсіздік, Қазақстанның ДСҰ-ға кіру мәселелері мен Қазақстандағы саяси реформалар жөнінде де пікір алмасады. Қазақстан президентінің АҚШ-қа ресми сапары қыркүйектің 29-ында аяқталады.
