Ақтөбе қаласында "заңсыз миссионерлік жұмыспен айналысты" деген айып бойынша, діни бағыттағы "Таблиги жамаат" діни ұйымының 7 мүшесін ұстап, істі сотқа табыс еткендерін хабарлады, жұма күні «Азаттық» радиосына Ақтөбе облыстық ішкі істер басқармасының экстремизм және терроризммен күрес бөлімінің басшысы қызметін атқарушы Нұртай Нұғаев. Ал адам құқығы бойынша Алматы Хельсинки комитетінің төрайымы Нинель Фокина болса, діни уағыз жасағаны үшін тұтқындау діни бостандық жөніндегі халықаралық және қазақстандық талаптарға сай емес дейді. Сондай-ақ жұма күні Ақтөбе әкімшілік соты да діни уағыз айтушыларға тағылған күдіктің толық ашылмағандағын айтып, істі полицейлерге қайтарып берген.
