Сағат БАТЫРХАН

Эстония ғаламда бірінші болып интернет арқылы жаңа парламент сайлауын өткізуде

Осы аптада Эстонияда парламент сайлауы өтуде. Бұны әдеттегі сайлау деп қарауға да болар еді, бірақ сайлаушылардың кейбірінің дауыс беру үшін сайлау учаскелеріне баруының қажеті жоқ, ол үйінде отырып-ақ қалаған кандидатын таңдай алады. Демек, ғаламда бірінші болып, Балтық жағалауының бұл мемлекетінде интернет арқылы дауыс беру қолданылуда.

БҰҰ-ның халықаралық соты Сербияны Босниядағы геноцидке жауапты емес деген шешім шығарды

Халықаралық сот кеше 1992-1995 жылдардағы Босния соғысы кезінде Сербия мен Черногория геноцид жасаған жоқ деген қаулы алды. БҰҰ-ң 60 жылдық тарихында осылайша халықаралық сот бүкіл бір елді геноцидтен басқа жайтқа айыпты деген шешімді бірінші рет қабылдап отыр. Аталған істі соттың қарауына шағымданған Босния мүмкін одан жеңіп шыққан жағдайда миллиардтаған доллар ұтамыз деп ойлаған болу керек.

Британия Ирақтағы өз әскерінің санын қысқартпақшы

Кеше Британия премьер-министрі Тони Блэр Ирақтың оңтүстігінде тұрған күштерін алдағы айдан бастап біртіндеп қысқартатындықтарын айтты. Блэрдің бұл хабарламасы Дания өзінің Ирақтағы әскерін жақын арада толықтай кері қайтарамыз деп жариялаған соң жасалды.

Евродақтың Орта Азияға бағытталған стратегиялық жоспары наурыз айында Астанада таныстырылмақ

Евродақтың кезекті президенті міндетін атқарып отырған Германия Орталық Азияға бағытталған стратегиялық жобасын осы аймақ елдерінің сыртқы істер министрлерімен наурыз айында болатын кездесуде алғаш рет ұсынамыз деп мәлімдеді. Мұндай хабарлама Евродақ ресмилерінің Қазақстан мен Қырғызстан өкілдерімен жыл сайын Брюсселде өткізілетін келісөздерінде жасалды.

Бердімұхаммедов Ниязовтан кейінгі кезеңдегі Түркменстан президенті болып сайланды

Түркменстанда президенттік сайлаудың нәтижесі де белгілі болып, онда президенттікке кандидат Гурбангулы Бердімұхаммедов сайлаушылардың 89,23 процент даусымен президент болып сайланды және ант та қабылдап үлгерді. Орталық сайлау комиссиясы Бердімұхаммедовтың жеңіске жеткендігін бүгін таңертеңгісін хабарлады. Сонымен, өзін-өзі өмірлік президент деп жариялаған Сапармұрат Ниязов дүниеден өткеннен кейінгі, Түркменстан президентінің кім екендігі анықталды. Ол - бұрынғы Денсаулық сақтау министрі Гурбангұлы Бердімұхаммедов.

АҚШ-тық жеке бағдарламада пәкістандық медреселерге реформа жасау ойластырылуда

Өткен бірер аптада саясаткерлердің аңдамай сөйлеушілігі жиі кездесті

Нан мен сары майды бір-бірінен қалай ажыратып қарамасақ, саясаткерлер мен қателіктерді де бір-бірінен ажырату қиын. Басқа да шаралардың қатарында жақында қателіктер үшін де жетілген бір маусым болды. Мүмкін оған су да, ауа райының құбылысы да себепкер болды, немесе уақыттың өзі оған жағдай туғызды, бірақ қандай да бір себептермен Түркия мен Токио аралығындағы саясаткерлер дұрыс емес уақытта дұрыс емес сөз айтып қалып жатады.

Берлинде Қазақстан президенті Н.Назарбаев Германия канцлері А.Меркелмен кездесті

Кеше Қазақстан президенті Нұрсұлтан Назарбаев өзінің Германия Федеративтік республикасына сапары барысында, Европа одағында қазіргі таңда президент міндетін атқарушы осы елдің канцлері Ангела Меркелмен кездесіп, келіссөздер өткізді. Соңынан екі ел жетекшілерінің БАҚ өкілдері үшін баспасөз-мәслихаты болды.

Холокосты жоққа шығарушылыққа қарсы БҰҰ-ның қарарына Иранның қосылмауы сынға ұшырады

29-шы қаңтардағы БҰҰ-ның халықаралық күні Холокост қырғыны құрбандарын еске алумен аталып өтті. Халықаралық ұйым фашизм тұсында құрбан болған миллондаған еврей ұлтының өкілдерін ұмытпай, еске алып отыру арқылы осындай қырғындардың жаңадан болуына жол бермеуге болады дейді.

Ауғанстанда көптеген әйелдер өз жеке кәсіптерін дамыта бастады

Ауғанстанның солтүстігіндегі Мазари-шариф қаласында әйелдер жеке кәсіпкерлік жобаларын қолға алды. Аталған жобаға Ауғанстанның Әйелдер ісі жөніндегі министрлігі қолдау көрсетуде. Министрлік қыз-келіншектердің қоғам өміріне белсене араласуын, сондай-ақ қаржылық жағынан ерлерге тәуелді болмауын қамтамасыз етеміз дейді.

Әлемдегі ықпалды тұлғалар жылдық Давос форумына жиналды

Швейцарияның осы бір шағын таулы қаласы әр жыл сайын қаңтар айында тау жолында шаңғы тебуге келген туристер емес, ғаламдық экономиканың тізгінін ұстап тұрған белгілі тұлғаларға толып кетеді. Олардың қатарында Бүкіләлемдік Давос экономикалық форумына қатысушы әлем жетекшілерін, бизнесмендерді көптеп көруге болады. Биылғы жылы Давос форумына ғаламдағы экономикалық та, саяси да өзгерістер, сондай-ақ ауа райының жылыну мәселелері де арқау болады

Қырғызстан президенті Бәкиев Феликс Куловты үкіметбасылыққа үшінші рет ұсынбайды

Қырғыз президенті Құрманбек Бәкиевпен тандемдегі үкіметбасы міндетін уақытша атқарушы Феликс Кулов кеше парламентте тағы да жеткілікті дауыс ала алмады, енді ол орнын босатуға дайындалуда. Дауыс беруге қатысқан 38 заң шығарушының 25-і Куловтың премьер-минстрлікке қайта бекітілуіне қарсы болды. Сонымен бір аптаның ішінде Куловтың кандидатурасы екінші рет мақұлданбай қалды. Осы дауыс берулерден кейін Бәкиевтің баспасөз өкілі президент үкіметбасылыққа Куловтың кандидатурасын үшінші рет ұсынбайды деп атап көрсетті.

Apple компаниясы IPhone деп аталатын қалта телефонын жаңадан жасап шығарғандығын жариялады

Технология саласындағы тың жаңалық - Apple компьютер компаниясы қалта телефонының IPhone деп аталатын жаңа ұрпағын қолданысқа енгізді, онымен сөйлесіп қана қоймай, музыка тыңдап, сол музыканы телефонның миында сақтай аласыз. Сонымен жұдырықтай ғана қалта телефонында IPod музыка ойнатқышы, суретке, видеоға түсіретін камерасы және интернетке қосыла алатын мүмкіндігі бар.

Буштың Ираққа қатысты жаңа стратегиялық жоспарын американдықтар қаншалықты қолдайды?

АҚШ Конгресі енді оппозициялық партия Демократтардың бақылауларында. Соңғы сайлау барысында Ирақ соғысына байланысты АҚШ президенті Дж.Буштың атына сын-ескертпелер аз айтылған жоқ.

Беслан трагедиясын тексеріп-зерттеу барысындағы түрліше тұжырымдар

2004 жылдың 1 қыркүйегіндегі Беслан мектебіндегі трагедия туралы Ресей парламенті комиссиясының ең соңғы есебі бұдан бұрын жасалған қортындылардан бірқатар айырмашылықтарымен ерекшеленеді.

Украинаның энергия көздеріне сұранысын өтеу туралы жауабы оның көмір қабаттарындағы газ байлығында ма?

Украина сырттан келетін табиғи газды пайдалану көлемін азайтатын жоспарларын жариялаған болатын. Сөйтіп өзінде метан газының өте үлкен көлемдегі қорының барлығы бір емес бірнеше ұрпаққа жететін байлық екендігі де жан-жақты жарнамаланған-ды. Алайда аймақтық талдаушы Роман Купчинскийдің пікіріне қарағанда, мұндағы өзіндік бір мәселе ол метан қорларын қалай игеріп, пайдаланудың жолын табуда екен.

Ирақ турасындағы Техран саммиті табысты бола ала ма?

Ирақ президенті Жалал Талабаниді Иран президенті 25 қарашада Техранға келуге шақырды. Талабани мен Иран президенті Махмұд Ахмединежад Ирақта кең етек алып отырған қақтығыстарды қалай тоқтату мәселелерін талқылайтын болады. Сондай-ақ кейбір хабарларға қарағанда, Сирия президенті де бұл бас қосуға қатысуы мүмкін. «Азаттық» радиосы тілшісінің хабарлауынша, мұндай жаңалық Техран мен Дамаскінің Ирақтың қауіпсіздік саласына қатысты бастамаларымен байланысты болса керек.

Армения көршілік қарым-қатынас саясатын жақсартқысы келеді

Теңізге шығу мүмкіндігі мен табиғи қуат көздері жоқтың қасы болып саналатын Армения басқалардың жақсы көңіл-көйіне тым тәуелді. Ереванның ұстанған өзара түсіністік саясаты мүддеден тыс жанжалдарды басуға тиімді әсер етті. Армения мұнымен қатар аздаған болса да экономикалық табыстарға қол жетті, бірақ ол мейлінше саяси бостандықтың есебінен жүзеге асырылған еді.

КГБ-ның бұрынғы қызметкерін уландырған кім?

Британия полициясы Ресейлік КГБ-ның бұрынғы қызметкері Александр Литвиненко уландырылуы мүмкін деген істі жан-жақты зерттеп-тексеру үстінде. Литвиненко қазан айында қастандықпен өлтірілген Анна Политковскаяның өлімі жайында деректер беремін деп айтқан адаммен Лондон мейрамханаларының бірінде кездескеннен кейін, аяқ астынан қатты науқастанып, ауруханаға жеткізілген. Литвиненконың жақтастары болса, Кремльдің саясатын сынға алып жүрген бұрынғы КГБ қызметкерінің аузын жабу үшін осы ұйымның өзі оған у беріп, өлтірмекші болды деген ойда.

Қырғызстанда әрбір он әйелдің төртеуі - екінші не үшінші тоқал болуға мәжбүр

Пост-советтік елдердегі әйелдердің тағдыры жайында деректі жеті фильм жарыққа шықты. Ашық қоғам институтының әйелдерге арналған бағдарламасының демеушілігімен түсірілген бұл қысқа метражды деректі картиналар Армения, Грузия, Литва, Ресей мен Тәжікстан және Украинадағы гендерлік саясаттың өзекті мәселелеріне арналған . «Азаттық» радиосының тілшілері осы аталған елдерде әйелдер өмірінде жиі кездесетін мәселелер турасында талдау жасап көрген еді.