Өткен сәрсенбі күні төтенше жағдай тәртібі орнатылып, алты күннен кейін Грузиядағы саяси дағдарыс шегіне жеткенде ғана Грузин президенті Михайл Саакашвили өзінің саяси қарсыластарын ымыраға келуге шақырды. Оппозицияның 6 күнге созылған наразылық шеруін күштеп тарату үшін өзінің күш қолданғанын Михайл Саакашвили ақтауға тырысып бақты және ол 2008-інші жылдың 5-інші қаңтарында кезектен тыс президент сайлауын өткізуге келісетінін және кезектен тыс парламент сайлауын не көктемде, не одан кеш өткізу мәселесін шешу үшін президент сайлауымен қатар жалпыхалықтық референдум өткізілетінін мәлімдеді. Алайда грузин президентінің мұндай шешімі тым кеш емес пе? “Азаттық” Радиосының тілшілері соңғы аптада Грузияда болған шым-шытырық оқиғаларды шолып шығып, ол оқиғалардың Грузияның өзін ғана емес, бүкіл халықаралық қауымдастықтың назарын аударып, Саакашвилидің елге шынайы демократия орнатамын деген міндеттемесіне көлеңкесін түсіргеніне көз жеткізді.
