Айжан ЖЕҢİСҚЫЗЫ

Баспасөзге шолу. 06-30-2004

Сайлау алдындағы белсенділік арта түсуде. Қазақстанның коммунистік партиясының бұрынғы мүшесі Борис Сорокинді депутаттық мандаттан айыру мәселесі газеттерде кеңінен талқыланды. Сонымен бірге Президенттің саяси мәселелер бойынша кеңесшісі Ермұхамет Ертісбаев “Ақ жол” партиясына қарсы келесі мақаласын оқырмандар назарына ұсынады.

Баспасөзге шолу. 06-29-2004

Республикалық басылымдарда президенттік партиялардың бұқаралық ақпарат құралдарының бір қолға шоғыралануына қарсылық білдіріп, бұл орайда жаңадан “Бұқаралық ақпарат құралдары туралы” жаңа заң жобасы әзірленіп жатқандығы айтылса, енді бір басылымдарда қазір ауылшаруашылығы жерлерінің 19 мың гектары жекеменшікке беріліп кеткендігі, Павлодардағы Жасыбай көліне ата-баба рухына тауап етуге бармақшы болған қарттарды автомат асынған жауынгерлердің жолатпай қойғандығы тілге тиек етіледі.

Баспасөзге шолу. 06-26-2004

Президенттің саяси мәселелер бойынша кеңесшісі Ермұхамет Ертісбаевтың “Ақ жол” партиясы мен оппозиция өкілдерін сынға алатын мақалалары мен сұқбаттары республикалық басылымдарда әлі күнге дейін талқылануда. Сонымен бірге сайлау алдындағы саяси партиялардың қолға ала бастаған түрлі акциялары республикалық газеттерде әр алуан пікір туғызып отыр.

Баспасөзге шолу. 06 - 25 - 2004

Сайлау қарсаңында кейбір саяси партиялар мен жергілікті құқық қорғау орындары тосын іс-әрекеттерімен республикалық басылымдардың таңданысын тудырып отырса, қамауда жатқан оппозиция лидері Ғалымжан Жақиянов сайлау алдында тәртібі жеңілдетілген орынға ауыстырылмай қалу қаупі бар екенін жасырмайды.

Баспасөзге шолу. 06-23-2004

Мерзімді баспасөз беттерінде үкіметтің кезекті отырысында Министрлер кабинетінің басшысы Даниал Ахметовтің «Тұрғын үй құрылысы» бағдарламасына орай әріптестеріне шүйліккені кеңінен сөз болады. Мәселен, газеттердің бірі премьер бағдарлама жүзеге аспай қалса, үкіметтің отставкаға кетуі мүмкіндігін астарлап жеткізді десе, келесі бір басылым Білім министрінің ғана үкімет басшысынан жоғары баға алғанына назар аударыпты. Алайда, Білім министрінің премьерден жылы лебіз естуіне мүмкіндік берген Ұлттық бірыңғай тестілеу қорытындысы кейбір басылымдардың көңілін көншітпей отыр.

Баспасөзге шолу. 06-22-2004

Республикалық басылымдарда орта мектептерде өткен Бірыңғай тестілеу нәтижелері түрлі пікірлер тудырса, сайлау науқаны қарсаңында Қазақстандағы саяси партиялар саны он екіге өсіп, соңғы тіркелген екі партияның атауы оппозициялық бағыттағы Қазақстанның коммунистік және Қазақстанның демократиялық таңдауы халықтық партиясына ұқсас болуы сарапшылардың назарын аударыпты.

Баспасөзге шолу. 06-19-2004

“Жас алаш” газеті мен президенттің саяси мәселелер бойынша кеңесшісі Ермұхамет Ертісбаев және парламент депутаты Серік Әбдірахманов арасындағы тартыс бірқатар басылымдардың назарын аударып отыр. Егер Ертісбаев мырза өзінің алдағы сұқбаттарының бірінде “Жас алашты” ұлтаралық мәселеде арандатушылыққа барып отыр” деп айыптаса, бұл жолы газет редакциясы керінше жанжалға тамыздық болып отырған хатты “Жас алашты” арандату үшін әдейі жіберді ме” деген ойға келеді.

Баспасөзге шолу. 06-18-2004

Республикалық газеттерде Денсаулық сақтау министрі Ерболат Досаевтың медицина саласындағы парақорлықпен күрестің жаңа тәсілін ұсынғаны сөз болумен қатар «Наурыз банк» басшысы әрі президенттік «Отан» партиясының саяси кеңес мүшесі Оразәлі Ержановтың президент әкімшілігі жетекшісі Иманғали Тасмағамбетовтің банкпен екі жыл бұрын жасалған уағдаластықты бұзып, бастапқыда үлес ретінде салған 10 миллион долларын қолма-қол қайтарып беруін талап етіп банкке қысым көрсеткені жайлы президентке шағымданып жазған хаты басылымдарда толассыз сауалдарға негіз болуда.

Баспасөзге шолу. 06-16-2004

Басылымдардың соңғы санындағы мақалалардың басым көпшілігі “Отан” партиясы мен соның төңірегіндегі мәселелерге арналыпты. Егер бір басылым Қазақстан президентінің “Отан” партиясын үгіттеу жұмысын мерзімінен бұрын бастап кеткендігіне назар аударса, енді бірі Нұрсұлтан Назарбаевтың “Отан” партиясының кезектен тыс съезінде “сөз бостандығын асыра пайдаланудың алдын-алу үшін” үкіметтен заңнаманы қатаңдатуды талап еткеніне зер салады.

Баспасөзге шолу. 06-15-2004

Электронды дауыс беру жүйесі туралы пікірталас жалғасып, бұл мәселеде тіптен Қaзақстанның демократиялық “Ақ жол” партиясы мен оның тұрақты оппоненті президент кеңесшісі Ермұхамет Ертісбаев та ортақ пікірге келіпті. Дегенмен, билікке жақын және оппозициялық саяси партиялардың сайлау алдында кереғар жағдайда қалуы түрлі түйткіл сауалдарға негіз болуда.

Президент әкімшілігінің «Ассанди таймс» және «Нави» интернет газетінің үстінен сотқа шағымдануына сәйкес екі тараппен әңгімелесу өткізіледі

Баспасөзге шолу. 06-12-2004

Соңғы кезде Қазақстанда қалыптасып отырған саяси ахуал бірқатар басылымдарды алаңдатып отыр. Мәселен, “Сөз” газетінде Гүлжан Ерғалиева ресей сарапшыларының Қазақстанда “саяси арандатушылықтың” белең алатындығын болжағандығына тоқталады. “Российские вести” газетінде Қазақстан өкіметі оңтүстік өңірлерде бірнеше теракт ұйымдастырғаннан кейін елді төтенше жағдайға келтіретіндігі жазылған”, - дейді Гүлжан Ерғалиева. Оның айтуынша, ресей басылымы: “Қазақстанның Ұлттық қауіпсіздік комитеті мен Ішкі істер министрлігі негізінде сол төтенше жағдайды ұйымдастыратын диверсиялық арнайы топтар құрылуда”,- деп топшылап отыр.

Баспасөзге шолу. 06-11-2004

“Наурыз” банк басшысы әрі президенттік “Отан” партиясының саяси кеңес мүшесі Оразәлі Ержановтың президент әкімшілігінің жетекшісі Иманғали Тасмағамбетовтің үстінен шағымданып, президентке хат жазды деген ақпарат республикалық басылымдарда қайшы пікір туғызып отыр. Сонымен бірге газеттерде сайлау қарсаңында Қазақстандағы кейбір партиялардың күшейіп, кейбіреуінің керісінше жойылып кету қаупі бар екендігі де айтылады.

Баспасөзге шолу. 06-10-2004

Сыртқы істер министрі Қасымжомарт Тоқаев пен Солтүстік Қазақстан облысының әкімі Тайыр Мансұров республикалық басылымдардың назарын өзіне аударыпты.

Баспасөзге шолу. 06-09-2004

Алдыңғы аптада оппозициялық бағыттағы «Ассанди таймс» газетінің жалған нұсқасының шығарылуы әлі де басылым беттерінде сөз болуда. Алайда, алғаш рет қазақстандық мектеп түлектерінің бітұтас ұлттық тестілеу бойынша емтихан тапсыратындығы газеттердің көбірек назарын аударып, жаңа сауалдарға негіз болып отыр.

Баспасөзге шолу. 06-08-2004

Республикалық басылымдарда алдағы Парламенттік сайлаудың қандай жағдайда және қалай, кімдердің қатысуымен өтетіндігі кеңінен талқылануда.

АҚШ-тың экс-президенті Рональд Рейганды кейбір қазақстандық сарапшылар Американың әлемде «басымдылық ету саясатының» негіз салушы деп бағалайды

Баспасөзге шолу. 06-05-2004

Осы аптада Америка Құрама Штаттарында тиімді мұнай келім-шарттары үшін Қазақстанның жоғары лауазымды азаматтарына үлкен көлемде пара берді деген айып тағылып отырған американдық кәсіпкер Джеймс Гиффеннің ісі бойынша сот тергеуінің басталғаны бірқатар республикалық басылымдардың назарын аудартты.

Баспасөзге шолу. 06-04-2004

Оппозициялық бағыттағы “Ассанди таймс” газетінің жалған нөмірінің таратылуы мен Президенттің кеңесшісі Ермұхамет Ертісбаевтің “Ақ жол”, Қазақстанның демократиялық таңдауы халықтық партияларымен тартысының жалғасуы -басылымдардың басым көпшілігінің назарында.

Баспасөзге шолу. 06-03-2004

Президенттік «Отан» партиясы мен оппозициялық бағыттағы Қазақстанның коммунистік партиясы соңғы оқиғалар аясында республикалық басылымдардың назарын өздеріне аударып отыр. Сонымен бірге президент вето қойған «Бұқаралық ақпарат құралдары туралы» заң жобасы айналасындағы әңгіме толастамапты.